Vikan - 05.05.1977, Blaðsíða 10

PÓSTURIM
ÁST, ÁST, ÁST
Komdu sæll og blessaður!
Ég hef aldrei skrifað þér áður,
en ég vona samt, að þetta bréf
lendi ekki í ruslinu. Þannig er mál
með vexti, að ég var með strák
fyrir stuttu, en ég hef ekkert séð
hann síðan, nema um daginn sá
ég, að hann var farinn að keyra
hér um plássið, og þá brá mér.
Mig langar svo til að tala við hann,
en ég þori það ekki, því ég er svo
feimin. Hvað er hægt að gera við
feimni? Hvað á ég að gera til að ná
sambandi við þennan strák? Jæja,
hvað á ég að gera út af því, að ég
er svo feit, að ég skammast mín
fyrir þetta. Jæja, hvernig eiga
þessi merki saman : Steingeit
(kvk) og krabbi (kk), steingeit
(kvk) og vatnsberi (kk), og hvaða
merki fer best við naut (kvk) í
ástamálum. Hvernig er skriftin, og
hvað heldur þú, að ég sé gömul?
Bæ, bæ.
Ein í vanda.
Ég held, að það sé í sjá/fu sér
ósköp litið, sem þú getur gert.
Ekki nema þér gefist tækifæri tii
að vera óvart viðstödd einhvers-
staðar, þegar hann á leið fram hjá
á biinum, og athuga, hvort hann
stoppi ekki og taii við þig. Annars
virðist mér þetta heldur vonlaust,
hættu bara að hugsa um hann.
Við feimninni er víst iitið að gera,
— helst er að finna góðu
punktana hjá sjálfum sér og
byggja sjálfstraustið upp á þeim.
Fáðu samt ekki mikilmennsku-
brjáiæði! Fitan ætti nú að
bjargast, bara ef þú ert nógu hörð
við þig að borða ekki hvað sem er,
hvenær sem er. Um samband
steingitar og krabba segir svo i
stjörnuspá ástarinnar: Samband
ykkar á að geta tekist vel. Reyndu
að umbera brandarana hans, hann
er svo viðkvæmur. Steingeit og
vatnsbera er hins vegar ekki spáð
góðu sambandi, þar sem stein-
geitin vill oft /ita svo á, að hún
skiiji alla. Fiskarnir passa einna
best við nautið, en ennfremur
getur sambandið orðið ágætt með
jómfrú eða vog. Skriftin er Ijót,
og þú ert svona 16 ára.
KÖFLÖTT LÆRI
Sæll Póstur minn!
Iss, þú ert bara leiðinlegur að
hafa ekki birt seinasta bréf mitt.
Þú verður að birta þetta, annars
verð ég sko reið. Heyrðu, getur þú
sagt mér, af hverju lærin á mér
verða alltaf köflótt, þegar ég fer í
leikfimi og sund og svoleiðis?
Þetta er svo hræðilega Ijótt, og
mig langar að gera eitthvað í
þessu. Svo að ég fái frekar birt
þetta bréf, þá ákvað ég að yrkja
smáljóð handa þér. Ég hef líka
séð, að einhver Ó.Ó.Ö. hefur ort
handa þér, og fær hún ekki alltaf
birt sín bréf? Hér kemur Ijóðið:
„Póstur er nafn þitt ágæta,
því bréfunum þú tekur á móti.
Helga er ruslafatan svo sæta,
(pas pá) hana máttu eiga á fóti"
Þetta er kannski ekki eins gott
og hjá Ó.Ó.Ó. en það rímar
alla vega. Reyndu að geta, hvað
ég er skotin f mörgum strákum. Ég
er skotin í 5. Vááááá. Finnst þér
það ekki mikið? Veistu það
Póstur, að mér finnst þetta ekkert
fyndið. Mér leiðist svo að vera
skotin í strákum, og það er bara
ekkert gaman. Það taka heldur
engir strákar eftir mér. Æ, mér
finnst allt svo leiðinlegt. Allar
mínar vinkonur eru byrjaðar að
vera með strákum, en ég, nei, nei,
ég er sko algjört beibí, það hef ég
fengið að heyra. Og svo er ég líka
feit og Ijót, ekki bætir það úr skák.
Elsku Póstur minn, viltu hjálpa
mér? Þú hlýtur að skilja, að mér
líður ekki vel. Ég ætti kannski að
vera ánægð að fá alltaf með
hæstu einkunnum í skólanum, en
ég er ekki ánægð. Mig langar að
gera eitthvað, sem ég hef áhuga
á, t.d. að syngja með hljómsveit
eða kór, þjálfa röddina, það yrði
dýrðlegt. Jæja, ég ætla að hætta
að tala um þetta, og reyndar ætla
ég lítið meira að segja. Ég kveð þig
bara og vona, að þú svarir þessu
bréfi mínu. Bæ, bæ.
H.P.pía.
10 VIKAN18. TBL.