Vikan - 05.07.1979, Blaðsíða 62

PÓSTURIM
Feimin og
óvinsæl
Sæll Póstur!
Hvað get ég gert, ég er svo
feimin og óvinsæl. Allir krakk-
arnir skemmta sér í skólanum
og ég er alltaf ein. Ég hef aldrei
skrifað þér áður. Þú verður að
gefa eitthvert ráð svo ég geti
verið með krökkunum.
(Krakkarnir vilja ekki vera með
mér vegna þess að ég er svo
feimin). Viltu ráða fram úr
þessu með feimnina svo að ég
byrji að tala við krakkana og
svo að tala bara við alla.
Hvað heldur þú að ég sé
gömul?
Vona að þetta lendi ekki í
ruslakörfunni.
Ein feimin.
Þú ert svona um það bil tólf ára
og þjáist af minnimáttarkennd,
sem er mjög algeng á þessum
árum. Það er ástæðulaust fyrir
þig að hafa miklar áhyggjur af
þessu, því þetta líður hjá eins og
svo margt annað. Hins vegar
gæti það hjálpað þér að lita
betur í kringum þig og reyna að
setja þig í spor jafnaldranna í
bekknum. Ekki er ólíklegt að þá
komist þú að raun um að fleiri
eru feimnir í bekknum og liklega
ættir þú að byrja að tala við þá
sem feimnari eru. Áður en þú
veist af verður þér það sifellt
léttara að vingast við aðra og þá
kemstu að því að þú hefur í raun
og veru aldrei verið óvinsæl,
heldur hefur það aðeins verið
þín eigin ímyndun.
Olivia fagra og
Leif Garrett
Kæri Póstur!
Við erum hér tvær vinkonur,
sem langar að vita nokkra
hluti. Hvert er til dæmis
heimilisfang Leif Garrett? Er til
Oliviu Newton-John Fan Club?
Ef svo er, hvert er heimUisfang-
ið?
Með fyrirfram þökk fyrir
birtinguna,
A.H.H. ogH.H.
Heimilisfang Leif Garretts er:
Leif Garrett, c/o Scotti Bros
Entertainment, 9229 Sunset
Blvd., Los Angeles, Ca. 90069
U.S.A. Heimilisfang Oliviu
Newton-John er: Olivia New-
ton John, c/o Lee Kramer Pro-
ductions, 9229 Sunset Blvd.,
Los Angeles, California 90069,
U.S.A.
... ef maður er
Ijótur
Kæri Póstur!
Ég hef ekki skrifað þér áður
og vona að þetta bréf lendi
ekki í vondu ruslatunnunni. Ég
ætla bara að spyrja svolítið.
Hvað er hægt að gera ef
maður er Ijótur? En ef maður
er með bólur á nefinu, er ekki
hægt að ná því með einhverju
kremi? Er ekki hægt að ná
fæðingarblettum af með ein-
hverju eða láta taka þá af án
þess að blettur eða ör komi
eftir? Er ekkert hægt að gera
til þess að verða brún? Ég á
við krem en ekki samt meik.
Bæ, ein Ijót.
Það eru fæstir ljótir. Mislag-
legir kannski en varla ljótir.
Það er viðurkennd staðreynd
að þeir sem ef til vill virðast
mjög laglegir við fyrstu sýn,
eru ekki þeir sem fallegastir
virðast til langframa. Margir
ófríðir vinna á við nánari
kynni og það er eins með þetta
og svo margt annað að per-
sónuleikinn hefur þar mest að
segja. Fæðingarbletti má láta
fjarlægja með nokkuð einfaldri
skurðaðgerð, en annars ættirðu
að leita ráða hjá lækninum
þínum, sem svo vísar þér áfram
til sérfræðings. Öll efni til að
lita húðina eru vægast sagt
mjög varasöm og þú ættir alls
ekki að reyna neitt slíkt.
Hefur pillan
áhrif á mann?
Elsku Póstur!
Ég vona að þú birtir þetta
bréf og ég vona að nafna mín
(sko Helga) sé ekki svöng. Eg
hef aldrei skrifað þér áður. Mig
langar að spyrja þig hvort pill-
an hefur einhver áhrif á mann,
fær maður kannski óreglulegar
tíðir, eða eitthvað því um líkt.
Jœja, ég vonast eftir svari.
Bæ, bæ.
Ein að norðan,
sem bíður eftir svari.
Pillan hefur að sjálfsögðu áhrif,
en satt að segja er Póstinum
ekki alveg ljóst hvað það er
sem þú vilt fá að vita. Þú getur
verið nokkuð örugg með það
að pillan veldur ekki óreglu-
legum tíðum, hún er einmitt
oft notuð sem lækning þegar
um óreglulegar tíðir er að
ræða. Hins vegar þarft þú að
hafa samband við lækni áður
en þú byrjar notkun hennar,
því það þarf ýmislegt að at-
huga í því sambandi. Þar
skiptir aldurinn til dæmis miklu
máli, en sértu mjög ung gæti
notkun pillunnar aukið hættu á
... líka Sveini frændi!
Sæl og blessuð Vika mín!
Mér finnst mjög gaman að Stínu og Stjána, Gissuri,
Skugga, Binna og Pinna, Prins Valiant, Jóni forstjóra og
líka Éimm mínútur með Willy Breinholst. Þú verður að
fyrirgefa hvað ég skrifa illa, en það er af því að ég er bara
níu ára. Mamma kaupir Vikuna og líka Sveini frændi. Ég
er skírð eftir honum og hann hefur keypt Vikuna lengi. Ég
sendi líka lausnina með getraununum á jólunum, sko ekki
núna heldur í fyrra.
Jæja, bless
Árný Sveina Þórólfsdóttir
Sunnuhvoli
Pósturinn þakkar þér kærlega stórskemmtilegt bréf. Vonandi
kemur myndin þín nægilega vel út í prentuninni, þannig að
vel sjáist þessi snjalla auglýsing fyrir Vikuna. Það verður ef til
vill til þess að fleiri feta í spor móður þinnar og Sveina frænda
og gerast tryggir áskrifendur. Skriftin er góð þegar tekið er
mið af aldrinum og bréfið þitt er mjög skemmtilega stílað.
Láttu bara heyra sem fyrst frá þér aftur og mundu að senda
lausnina með getraununum timanlega, svo þú náir að vera
með í drættinum.
62 Vikan 27. tbl.