Vikan - 05.06.1980, Page 12

Umferðartollur
Ágústa D. Guðmundsdóttir. Myndin tekin fyrir ári.
Ágústa D. Guðmundsdóttir, 17 ára:
HJÁLMURINN
HJÁLPAR EKKI
ALLTAF
t október í fyrra varð það slys í Vestmannaeyjum að mótor-
hjól sem á voru tvö ungmenni rann á hliðina með þeim
afleiðingum að farþeginn, Ágústa D. Guðmundsdóttir, háls-
brotnaði. Mænan skaddaðist og nú er Ágústa lömuð upp að
brjóstum. Hún Övelur í dag á endurhæfingardeild Borgar-
spítalans og býst við að verða þar í eitt ár í það heila.
Ekki segist Ágústa vera beisk, nema kannski stundum:
„Það þýðir ekkert að hugsa þannig,” segir hún, „maður
verður að vera bjartsýnn og ég hlakka til að komast héðan,
fara aftur til Eyja og halda áfram að læra.”
Dagarnir hjá Ágústu líða mest við æfingar, svo les hún og
hlustar á grammófóninn sinn.
„Við krakkarnir sem erum hérna förum stundum út saman.
Urtt daginn fórum við á íþróttamót fatlaðra og það var mjög
skemmtilegt. 1 síðustu viku fór ég tvisvar sinnum í bíó og nú
erum við að hugleiða leikhúsferð. Og ef þú endilega vilt vita
það þá er ég að fará'i bíó í kvöld, við ætlbm að sjá Sgt. Peppers
í Háskólabíói.”
Ágústa er aldeilis ekki bangin að sjá þrátt fyrir þetta
hörmulega slys sem hún lenti í og hún mælist eindregið til þess
að fólk fari varlega í umferðinni. EJ