Vikan - 05.06.1980, Side 62

Pósturinn
Afsteypur af
hiutum__________________
Kæri Póstur.
Ég hef skrifað þér nokkrum
sinnum áður og ávallt fengið
góð svör frá þér. Og ég vona
að svo verði einnig núna.
Getur þú bent mér á bók, þar
sem kennt er að gera afsteypu
(mót) af hlutum. Mig langar
nefnilega að gera afsteypu af
hlut sem ég hef smíðað úr tré.
Mig langar að gefa vini mínum
afsteypuna í afmælisgjöf nú í
sumar. Hann á afmæli í byrjun
júní.
K Ég vona innilega að þú getir
hjálpað mér því þetta er svo
mikilvægt fyrir mig.
K.E.
Vonandi kemur svarið þér að
einhverjum notum þótt afmæli
vinar þíns sé nú alveg á næstu
grösum. Erfitt hefur reynst að fá
einhverjar upplýsingar um hvert
best væri fyrir þig að snúa þér,
en í Bókaverslun Snæbjarnar
fást bækur um slíka hluti eftir
Finn Lyngaard. í bókaverslun-
um og á næstu bókasöfnum
ættirðu líka að geta fengið
frekari upplýsingar um líklega
höfunda. Má þar og nefna bóka-
safn Myndlista- og handíða-
skólans, sem er til húsa á annarri
hæð skólans að Skipholti 1. Þar
innan veggja fyrirfinnst fólk sem
hefur einmitt þekkingu á máli
sem þessu, og Pósturinn er illa
svikinn ef þú mætir þar ekki
bæði lipurð og hjálpsemi við
lausn vandans.
Tannlæknir eða
íþróttakennari?
Kæri Póstur.
Viltu vera svo góður að
svara þessum spurningum fyrir
mig? í hvaða skóla þarf maður
að fara til að læra tannlækna-
störf? (Eftir grunnskóla.) Hvaö
mörg ár tekur það? Og I hvaða
skóla þarf maður að fara til að
læra að verða íþróttakennari?
Hvað mörg ár tekur það?
K.N.
P.S. Með fyrirfram þakklæti
fyrir svörin.
Tannlækningar eru kenndar í
háskóla og því þarftu að hafa
lokið því námi sem þarf til
inngöngu í háskóla, svo sem
stúdentspróf eða annað sam-
bærilegt. Námstími í
tannlækningum er svo 6 til 7 ár.
íþróttakennaraskóli íslands er
á Laugarvatni og námstíminn er
tvö ár. Inntökuskilyrði er 18 ára
aldur, stúdentspróf eða hliðstæð
próf.
Um 100 hesta-
vísur Heims-
kringlu
Kæri Póstur!
Mig langar til að spyrja þig
örfárra spurninga. Fyrir um 20
árum gaf Heimskringla út rit
með 100 hestavísum. Heldur
þú að þú getir gefið mér
upplýsingar um hvort þetta rit
er nokkurs staðar fáanlegt og
þá helst hvar?
Hvað er nám í Þroskaþjálfa-
skóla íslands langt og hvaða
skilyrði eru fyrir inntöku í
skólann? Jæja. nú er ég víst
búin að taka nóg pláss í þessu
háttvirta blaði. Þakka allt
gamalt og gott. Vonast eftir
GÓÐUM svörum.
1064-1712
Þetta rit getur þú fengið sent í
póstkröfu með því að hafa
samband við bókabúð Máls og
menningar, Laugavegi 18.
Síminn þar er 24240. Verð
ritsins er um 2.200 krónur og
svo bætist við kostnaður við
heimsendingu.
Nám í Þroskaþjálfaskóla
íslands er bæði bóklegt og
verklegt og tekur 3 ár.
Umsækjandi um skólavist má
ekki vera yngri en 18 ára og
skal hafa lokið námi úr 2. bekk
framhaldsskóla í þeim náms-
greinum sem skólinn gerir
kröfur til eða hliðstæðu námi.
62 Vikan 23. tbl.