Vikan - 19.02.1981, Síða 31

„Frægðin hefur breytt mér," segir
Kate Bush, „en til hins betra, held ég. Ég
hef þroskast mikið upp á síðkastið, Það
hlýtur að teljast gott, þegar ég er þyrjuð
að reyna að átta mig á því hvar ég
stend og hver éger.”
Kate Bush hefur náð mjög langt á
framabrautinni síðastliðin þrjú ár. Til
marks um vinsældir hennar heima I
Englandi, hafa lesendur tímaritsins
Melody Maker valið hana söngkonu
ársins þrjú ár í röð. Þegar hún fór I
fyrstu hljómleikaferðina sína var hvar-
vetna uppselt löngu fyrirfram. Sérstak-
lega þykir hún höfða til yngra fólksins.
Hún hefur mjög sérstakan stíl og semur
lög og texta, sem höfða ekki sérlega vel
til þeirra, sem komnir eru langt á
þrítugsaldurinn og því orðnir dálítið
ihaldssamir I músíksmekk.
Tónlist hennar á þremur LP plötum.
svo og mjög sérkennileg sviðsframkoma
hefur valdið því að komin er á kreik
einhver dularfull ímynd söngkonunnar
Kate Bush. Ekki dregur það heldur úr að
Kate hefur ávallt frá því að hún kom
fram á sjónarsviðið reynt að halda
einkalifi sinu fyrir sig. Hún býr I lítilli
íbúð I Lewisham ásamt tveimur köttum
sínum. Bræður hennar tveir búa i næsta
nágrenni.
„Ég er ekki á nokkurn hátt dularfull
persóna,” segir Kate. „Ég hef aldrei
ánetjast eiturlyfjum og æskuheimili mitt
var ekki i rústum. Þvert á móti. Við
lifðum mjög kyrrlátu lífi. Fólk hefur því
búið til þessa dularfullu mynd af mér
eftir að hafa séð mig I sjónvarpi og hlust
að á lögin mín. Hvort tveggja er ólíkt
mér, svo að myndin er stórlega ýkt.”
Kate Bush var kornung, þegar hún
ákvað að verða tónlistarmaður. Tæki
færi lífs hennar kom í liki Dave
Gilmours gítarleikara hljómsveitarinnar
Pink Floyd. Hann kom I heimsókn á
heimili hennar og hún notaði tækifærið
til að leyfa honum að heyra lögin sín.
Dave hreifst svo af þeim, að hann
greiddi úr eigin vasa kostnaðinn af því
að láta hana hljóðrita nokkur laga
sinna. Dave tók siðan segulbands-
spóluna og fór með hana til yfirmanna
hjá útgáfufyrirtækinu EMl. Hún fékk
plötusamning þegar I stað og þrjú
þúsund sterlingspund greidd fyrirfram.
Nokkur tími leið þó áður en fyrsta plata
Kate kom út. Hún notaði timann til að
semja lög og texta og bæta söngstíl sinn.
Einnig fór hún I skóla til að læra sviðs
framkomu. Það var sami kennarinn.
sem kenndi henni og David Bowic.
Bræður Kate, Paddy og Jay, eru
henni til mikillar hjálpar. Paddy leikur á
fjölda hljóðfæra á nýjustu l.P plötu
hennar, Never Forever, og Jay, sem er
Ijóðskáld, hefur mikil áhrif á texta
hennar. „Við Jay erum nijög nánir
vinir,” segir hún. „Hann gefur mér
hugmyndir og eykur á sköpunargáfuna.
Það að hann er bróðir minn gerir mér
kleift að ræða við hann um hvað sem er.
Hann er yndislegur og viðkvæmur og
mér þykir mjög vænt um hann.”
\5
8. tbl. Vikan 31