Vikan - 19.11.1981, Blaðsíða 21

Viðtal Vikunnar
hagsmunum sínum sé betur borgið
þannig. Á íslandi er staðnað flokks-
apparat. Við höfum verið að reyna að
brjóta það með prófkjörunum.
Ýmsir hópar geta átt erindi í Alþýðu-
flokkinn. Já, kommúnistaflokkurinn
líka ef því er að skipta. Við eigum mörg
sameiginleg stefnumál, svo sem ýmislegt
í verkalýðshreyfingunni, vinnustaða-
félög á stórum vinnustöðum til að
mynda.
Fundur okkar Ara Trausta var
blásinn allt of mikið upp. Hann er
borgari í Reykjavík og ég er þingmaður
Reykvíkinga. Svo er þetta gert að máli.
Menn vilja stundum hafa sinar
prívatsamræður.”
„Ein erfiðasta ákvörðun lífs
míns "
„Á þinginu kemur vel í ljós að menn
taka ekki afstöðu eftir stjórnmálaflokk-
um í nærri öllum málum. 1 um 2/3 hluta
allra mála falla atkvæði þverpólitískt.”
Hvernig vinnustaður er þingið?
„Enginn venjulegur vinnustaður. Ég fíla
mig ekki á vinnustað þegar ég er niðri á
þingi. Kennarastofan í MR: Það er
vinnustaður. En ég veit ekki betur en
þetta sé framúrskarandi fólk allt saman
sem starfar niðri á þingi.”
Vilmundur hefur kennt sögu við MR
með þingmennskunni þangað til í
vetur, að vísu aðeins fáeina tíma, en
hann saknar þess að vera ekki að kenna i
vetur. „Það var meðfram vegna þess að
ég vonaði að betur gengi með Nýtt
land að ég ákvað að kenna ekki í vetur,”
segir hann.
„Ein erfiðasta ákvörðun sem ég hef
tekið var að hætta við blaðið. Það stóð
mjög tæpt. Ef við hefðum getað reist
þann fjárhagslega grundvöll sem þurfti
hefðum við haldið áfram. Við vildum
ekki á ríkisjötuna og leituðum því ekki
. eftir stuðningi úr þeirri átt.
Menn tóku til þess að farið var af stað
af miklum krafti og þannig eru þing-
störfin einnig. í desember, þegar fjár-
lögin eru í brennidepli, er til dæmis mjög
mikið að gera. Það er oft mikill hama-
gangur á þinginu og það er eðlilegt því
verið er að koma skoðunum á framfæri.
Þá er talað við fleiri en þingheim, það
gera allir þingmennirnir. En þótt menn
Uppi á loftí hefur furan náfl yfirfiöndinni...
... an notaiegur svipurinn minnir Iftt á formúlur norrœnna húsablafla.
deili hart er það' ekki vegna persónu-
legrar óvildar.
Það var mikill kjaftur milli okkar
Lúðvíks út af vaxtamálum á fyrsta
þinginu sem ég sat. Seinna kynntist ég
honum svo og komst að því að hann er
óvenjulegur sjarmör. Flestir gufa upp
eftir að þeir hafa verið ráðherrar, þeir
hafa misst svo mikið! Lúðvík er merkileg
undantekning frá þeirri reglu.
Sumt I þingstörfum er mjög jákvætt
og til dæmis held ég að samskipti fjár-
veitinganefndar og ýmissa sendinefnda
séu demokratísk í besta skilningi
orðsins.”
Vilmundi þykir lítið til koma að farið
væri að auglýsa eftir þingmönnum í
smáauglýsingadálkum til að taka að sér
tiltekin mál: „Borgarar hafa tiltölulega
greiðan aðgang að þingmönnum.”
„Ég er NATOsinni"
Margt fleira mætti segja. Vilmundur
er ekki skoðanalaus maður. „Útvarp á
að gera frjálst og líta til fyrirmynda í
Frakklandi og Ítalíu. Setja valdið í
hendur sveitarstjórnanna.”
NATO: „Ég er NATO-sinni. NATO
er siðferðilegt bandalag og við eigum að
vera í því. Það er með NATO eins og
lögregluna, — þó lögreglan geti verið
brútal þá viljum við hafa hana.”
I plötuskáp grillir i Stuðmenn og
Halla og Laddaplötur. „Ég hlusta á alls
konar músík,” segir Vilmundur. „Hef
gaman af músík. Ég fer líka af og til út
aðskemmta mér.”
Er ekki erfitt að fara á skemmtistað ef
maður er þekktur í þjóðfélaginu? Það
kemur fyrir að menn hanga utan í
honum heilu kvöldin: „Hvað gerir það
til? Það er ekki til neinna vandræða.
Mitt frelsi er að fara heim ef mér leiðist.
Mér er mjög illa við að setja fólki ein-
hverjar leikreglur." kl
47. tbl. Vikan 21