Vikan - 19.11.1981, Blaðsíða 48

Texti: Borghildur Anná
Tískan
ÞEGAR
KALDIR
VINDAR
NÆÐA
S umarið er vist alveg örugglega liðið og
kaldir vetrarvindarnir farnir að hrella
sálirnar enn einu sinni. Þá er betra að
eiga eitthvað til þess að klæða af mesta
kuldann og það hafa blessaðir tísku-
kóngarnir gert sér ljóst. Nú skal sumar-
tískan gleymd og grafin og vetrartískan
taka völdin. Þótt breytingarnar séu ef til
vill ekki stórvægilegar þetta haustið
þykir víst tilhlýðilegt að láta berast með
straumnum, en fyrir þá sem vilja svindla
er ekkert að því að draga fram fötin frá
liðnum vetri. Þau geta orðið jafngóð og
ný með smávægilegum breytingum,
buxur þarf að stytta, helst allt að hnénu,
og víðar skyrtur og mussur ganga ennþá
með sem efri hluti. Þær má betrumbæta
með því að setja gylltar leggingar á
líningar, sem er það nýjasta í vetur.
Herðar eru áfram miklar og mittið
nokkuð greinilega á sínum stað ennþá.
Skórnir eru einfaldir í sniði, klósetthælar
og smáslaufur og þess háttar skraut á
spariskónum. Pelsar eru ennþá vinsælir
og mega nú vera i næstum öllum
siddum. Kjólar eru þunnir og nokkuð
stílhreinir, en skreyttir með alls kyns
palliettum og smásteinum. Og að lokum
má ekki gleyma sokkabuxunum. Nú eru
allir i sokkabuxum og helst eiga þær að
vera úr góðum prjónaefnum. Því ætti
blöðrubólgan að vera úr sögunni í bili.
Við stuttbuxur og hálfsiðar buxur eru
slíkar prjónasokkabuxur hreint alveg
ómissandi og þær þykja albestar ef
nokkrir smásteinar skreyta ökklann eða
hliðarnar.