Vikan - 19.11.1981, Blaðsíða 23

Héðan og þaðan
Draumfarir
Sagt er að alla dreymi eitthvað á
næturnar en fólk sé mismunandi duglegt
við að muna draumana. Þegar sofandi
mann dreymir hreyfast augun undir
augnlokunum. Ef sá sem dreymir er
vakinn getur hann yfirleitt alltaf sagt frá
því hvað hann var að dreyma. Einnig er
því haldið fram að mestu draumfarirnar
eigi sér stað í morgunsárið. Ef sofandi
maður er vakinn á því tímabili er hann
dreymir ekki getur hann í fæstum
tilvikum sagt frá þeim draumum sem
hann dreymdi fyrr um nóttina.
Ef fólk hrekkur upp við vondan
draum er mikilvægt að fara á fætur og
sgtjast einhvers staðar niður i fimm
mínútur, helst í öðru herbergi. Þannig er
oft hægt að koma i veg fyrir að draum-
urinn haldi áfram þegar viðkomandi
sofnar aftur.
Komið hefur í ljós að sumt fólk
dreymir oft sömu draumana aftur og
aftur. Margir hafa af þessu töluverð
óþægindi, hrökkva upp um miðjar
nætur hræddir og sveittir. Því hafa verið
gerðar miklar tilraunir til að aðfmna leið
til að losa fólk undan áhrifamætti slíkra
drauma. Eftir margra ára tilraunir þykir
nú sannað að fólk geti að nokkru leyti
stjórnað draumum sínum, einbeitt sér
að því að breyta drauma-atburðarásinni,
og þá hætta draumarnir að verða sú
ógnun sem sumir hafa kallað martröð.
Þessi aðferð hefur einnig verið notuð
af barnshafandi konum er fólk hefur
komið til þeirra í draumi að vitja nafns.
Ef þær hafa verið ákveðnar í að vilja
ekki það nafn hefur þeim með nægilegri
einbeitni iðulega tekist að neita slíku
boði í draumnum.
En það er viðurkennt að draumar eru
í beinu sambandi við sálarástand þess er
dreymir og því er nauðsynlegt að þekkja
sjálfan sig vel ef takast á að hafa stjórn á
draumförum.
Draumlaus svefn er oft settur í
samband við ásigkomulag likamans. Ef
viðkomandi er líkamlega þreyttur fer
mikil orka í að hvíla líkamann. Það er
djúpur, þungur svefn þar sem draum-
farir eru litlar og líkamshitinn undir
meðallagi.
Upp með
faldinn!
Hér er götumynd utan úr heimi sem
sýnir glöggt þróun mála. Tísku-
hönnuðir hafa um þó nokkum tíma
fært pilsfaldinn ofar og ofar og nú
virðist sem hnén eigi fyrir alvöru að fá
að láta Ijós sitt skína. — Ef einhver
skyldi hafa áhuga á að vita það þá er
þessi kjóll franskur og hönnuðurinn er
enginn annar en hinn heimsfrægi Louis
Peraud.
47. tbl. Vikan Z3