Vikan - 29.04.1982, Qupperneq 30

Matchbox
Stúlkurnar sækja stöðugt á í rokkinu.
Gitarleikarinn Joan Jett og hljómsveit
hennar, The Blackhearts, hafa fyrir
skömmu vermt efstu sæti listans yfir
vinsæl dægurlög i Bandaríkjunum meö
lagið 1 love Rock’n Roll. Samkvæmt þar-
lendum heimildum er það í fyrsta sinn
sem hljómsveit sem í einu og öllu er
stjórnað af konu á lag þar á toppnum.
Joan Jett er fyrrum liðsmaður
kvennahljómsveitarinnar Runaways.
Fyrsta sólóplatan hennar hét Bad
Reputation (sem þýðir Slæmur orðstir í
hrárri þýðingu). Platan seldist lítið
vegna þess að Joan Jett hafði á sér illt
orð að því hún segir sjálf. „Enginn vildi
svo mikið sem bregða plötunni undir
nálina. Um leið og menn heyrðu að
platan var með Joan Jett — ooo hún
úr Runaways. Nei, takk.” Hljómsveitin
Runaways hafði sumsé vakió töluverða
athygl' en það varð Joan Jett ekki til
framdráttar. Þær voru álitnar algjörar
gribbur og ekki hjálpaði kjafturinn á
Joan Jett við blaðamenn upp á sakirnar.
Joan Jett er 23 ára gömul. Hún segist
ung hafa orðið fyrir áhrifum frá Gary
Glitter, Suzi Quatro, T.Rex, Slade og
David Bowie. Kröftug og hrá danstónlist
með skemmtilegum einföldum textum er
hennar tóbak. Breiðskífan hennar, sem
sömuleiðis ber titilinn 1 Love Rock’n
Roll, rennur út. Platan inniheldur út-
setningar Joan Jett á ýmsum vinsælum
breskum og bandariskum lögum.
Tónlistarlífið vestanhafs er ekki með
liflegra móti um þessar mundir. Það er
helst að kvenfólk nái eyrum manna með
einhverju fersku. Joan Jett er verðugur
fulltrúi nýrrar kynslóðar kvenna í
rokkinu. Hún er engin glanspía,
uppáhaldsklæðnaður hennar er galla-
buxur og bolur. Hún er bara „venjuleg
stelpa” eins og hún segir sjálf og rokk-
unnendur virðast kunna að meta hana
einsoghúner. kl
H ljómsveitin Matchbox kom hingað til
lands í desember síðastliðnum og hélt
nokkra tónleika I skemmtistaðnum
Broadway við góðar undirtektir þeirra
sem á hlýddu.
Tónlistin sem Matchbox spilar er svo
kölluð rokkabillý-tónlist. Sú stefna er
eins konar sambland af rokki og hillibilly
(það er tónlist sem upprunnin er til
sveita I Suðurrikjum Bandaríkjanna).
Tónlist þessi naut mikilla vinsælda upp
úr miðjum sjötta áratugnum. Þekktustu
flytjendurnir voru Elvis Presley, Bill
Haley and the Comets, Jerry Lee Lewis,
Johnny Cash og fleiri góðir menn. Eftir
að Bítlarnir, Rolling Stones og þeirra
likar komu til sögunnar minnkuðu mjög
vinsældir þessarar tónlistar. En nú
seinni árin hefur þessi tónlist á ný átt
sívaxandi vinsældum að fagna. 1 kvik-
myndunum American Graffiti og
Grease skipar tónlist í ætt við rokkabillý
veglegan sess. Ýmsir listamenn sem
helga sig flutningi rokkabillý-tónlistar
hafa og komið fram á sjónarsviðið.
Þeirra þekktastir eru án efa
Showaddywaddy, Shakin'Stevens. Stray
Cats og Matchbox.
Hljómsveitin Matcbox hefur starfað
lengi. Frá 1977 og fram á lok síðasta árs
var hún skipuð á eftirfarandi hátt:
Graham Fenton, söngur, Steve Bloom-
field, gítar, stálgitar, mandólín, munn-
harpa, Gordon Scott, gítar, banjó,
30 Vlkan 17- tbl