Vikan - 29.12.1983, Síða 26

Þeyr
Þaö síðasta sem heyrðist frá
Þeysurunum var lítil plata með
gömlum upptökum sem gefin var
út í vor. Við hæfi er að hafa nokkur
eftirmæli um þessa hljómsveit.
Hún er fyrir margra hluta sakir
með allra merkilegustu hljóm-
sveitum sem komið hafa fram hér
á landi. Sándiö var mjög sérstakt,
hugmyndafræðin vandlega út-
pæld. Alltaf var alveg sérstök
stemmning á hljómleikum með
Þey, tilfinning fyrir einhverju
stórfenglegu og gnæfandi. Hljóm-
sveitin dró að sér athygli jafnt út-
lendinga sem innlendra manna og
var ekki laust við að margir fyndu
ýmis dularmögn á kreiki í kring-
um hana. En nóg um það, Þeyr er
liðinn og önnur eins hljómsveit
kemur víst ekki strax fram hér á
landi aftur.
Pax Vobis
Pax Vobis er ein þeirra nýju
hljómsveita sem virtust spretta
eins og arfi á mykjuhaug undir
lok ársins. Pax Vobis er vel undir-
búin og mjög hæf hljómsveit í
anda Japan eða Simple Minds.
Hún spilar nýrómantíska músík
en er mun þyngri á bárunni en
Duran Duran. Mikils er aö vænta
af þessari hljómsveit á næstunni.
Sonus Futurae
Sonus Futurae er tölvupopp-
sveit sem nýlega er farin af stað
aftur eftir hlé fyrst á árinu. Nú er
sagt að hljómsveitin sé komin með
þyngri músík og alvarlegri tök á
músíkinni.
Vinsælustu lögin '83
Vinsælustu lög ársins er mjög
erfitt að meta vegna þess að ekki
er til neinn opinber vinsældalisti
hér á landi. 1 útlöndum er byggt á
því hvernig smáskífur seljast en
því er ekki fyrir að fara hér á
landi. Því verðum við að reyna að
gera okkur grein fyrir þessu eftir
öðrum leiðum og það höfum við
reynt. Úttektin er því fyrst og
fremst persónulegt mat undir-
ritaðra og ber að taka hana sem
slíka.
Það er lagið Fatlafól með þeim
Bubba og Megasi sem hlýtur
titilinn vinsælasta lag ársins. Það
hljómaöi hvað eftir annað í út-
varpinu lengi sumars og naut
almennra vinsælda. Pósturinn
Páll með Magnúsi Þór Sigmunds-
syni og Hvað er svona merkilegt
við það? með Grýlunum verða aö
teljast lag nr. 2 og 3 í útvarpinu á
árinu og bæði náðu þau almennum
vinsældum meöal almennings.
Önnur lög sem vinsæl voru í út-
varpinu á árinu voru Lög og regla
með Bubba, Böring með Q4U, Afi
með Björk Guömundsdóttur og
Sísi fríkar út með Grýlunum.
Stuðmenn áttu tvö mjög vinsæl
lög, annars vegar íslenskir karl-
menn og hins vegar Blindfullur.
í fyrra var lagið Rudolf með
Þey helsta neðanjarðarlag ársins
en nú er erfiðara að velja slíkt lag.
Líklega verður þó að telja
Krókódílamanninn meö Megasi
og Ikarusi vinsælasta neöan-
jarðarlag ársins. Hljómsveitirnar
Kukl með Söngul sinn og Von-
brigði með lagið Sexý koma
einnig sterklega til greina. Og þá
látum við lokiö að segja frá vin-
sælum lögum þetta árið.
Viðburðir á árinu
Útvarp og sjónvarp gengu sinn
vanagang í poppmálum að öðru
leyti en því að opnuð var rás 2.
Ekki er enn komin mikil reynsla á
hana þegar þetta er skrifað en
líklega má gera ráð fyrir að hún
verði lyftistöng fyrir popptónlist í
landinu.
Annars voru helstu viðburðir
ársins á tónlistarsviðinu tengdir
Laugardalshöllinni. Þar voru
haldnir þrennir tónleikar á árinu.
Þeir fyrstu voru með hljóm-
sveitinni Classix Nouveaux og
ekki vel sóttir. Um 1000 sálir létu
sjá sig þegar Iss! Einars Arnar og
Q4U hituðu upp fyrir þessa ágætu
popphljómsveit. Næst á ferð voru
Echo & the Bunnymen og fengu
ekki mikið betri aðsókn. Um 1500
manns komu á frábæra
hljómleika þar sem Deild 1,
Grýlurnar og Egó hituðu upp.
Síðast en ekki síst voru þaö friðar-
tónleikarnir 10. september sem
eflaust verða lengi í minnum
hafðir. Það var aðallega íslensk
friðarhátíð en anarkistahljóm-
sveitin Crass rak endahnútinn
á þessa gríöarlegu hátíð sem um
5000 manns sóttu. íslensku hljóm-
sveitirnar sem þátt tóku í þessu
voru Svart og sykurlaust, Ogsmá,
Kukl, Ikarus, með Tolla og Meg-
asi, Egóið og Vonbrigði. Hápunkt-
ur tónleikanna var þegar Megas
kom fram á ný eftir 5 ára fjar-
veru.
Auk þessara þriggja tónleika
heimsóttu hljómsveitirnar The
Fall, Psychic TV og reggaelista-
maðurinn Linton Kwesi Johnson
okkur, og voru hljómleikar
Psychic TV ærið minnisstæðir fyr-
ir ýmissa hluta sakir, fyrst og
fremst vegna þess að Einar Örn
Benediktsson söng þar með hljóm-
sveitinni Kukl alla leið frá London
í gegnum síma. Og með þeim
atburði látum við lokiö frásögn af
þessu ágæta poppári 1983.
26 Vikan 52. tbl.