Vikan - 20.02.1986, Blaðsíða 45
Og það er afskaplega þreytandi að vinna á
mínu sviði, áhugavert en mjög andlega þreyt-
andi. Ég tek svo marga þætti til greina. Maður
verður að einbeita sér algjörlega og það er
mikið álag, svo ég tek ekki nema takmarkaðan
fjölda lestra og reyni síðan að hvíla mig vel á
milli.
I sambandi við þessa lestra mína hef ég veitt
því eftirtekt að nútímamaðurinn vill gleyma
að hlusta á það sem við getum kallað sitt innra
sjálf. Hann hrindir frá sér meðfæddri eðlishvöt,
sem dýrin hafa þó vit á að fara eftir. Þetta
stress og öll yfirborðsmennskan í dag, hraðinn
og vélvæðingin, eru manninum hættuleg. Það
er full ástæða til þess að líta sér nær og athuga
sinn gang.
I sambandi við það er raunar engin ástæða
til þess að vera svo viss um að nærvera stórra
hnatta við fæðingu manns og mótun hafi alls
engin áhrif. Hvað vita menn í raun mikið um
þessi efni? Af hverju ekki vera opinn og taka
dálítið mark á reynslu genginna kynslóða?
ÁHRIF STJÖRNUMERKJANNA
Ef við tæpum nú í stórum dráttum á hinum
ýmsu stjörnumerkjum og áhrifum þeirra, eða
kannski symbólisma; hvað þau tákna, þá er
fiskurinn tákn kristindómsins og fórnarinnar,
kærleika og skilnings, fórnar- og hiðlundar.
Vatnsberinn getur táknað hið vélræna, upp-
finningatímabil, nýjungar, framfarir á vísinda-
og vélrænum sviðum. Tímabil vatnsberans
veitir stórkostlega möguleika og þar felast jafn-
framt miklar hættur.
Steingeitin getur táknað einbeitingu, þrek
og úthald, en þar getur líka verið um að ræða
vissa íhaldssemi.
Bogamaðurinn á við hið andlega svið; þrosk-
ann og þróunina, menningu og trúarbrögð,
samskipti og þess háttar.
Sporðdrekinn er tákn lífs og dauða, eyðingar
og endurfæðingar; endurholdgunar. Hann er
tákn ástríðu mannsins og tilfinninga, og sporð-
drekinn er tákn peninganna og hins veraldlega.
Vogin táknar auðvitað jafnvægið, skilning-
inn, umburðarlyndið, réttlætiskenndina og það
að meta og vega yfirleitt.
Meyjarmerkið táknar hið daglega, hvers-
dagslega, heilsufarið og umhverfið, áhrif um-
hverfisins, hvernig manneskjan vinnur úr
samskiptum sínum við umhverfið.
Ljónið táknar sigurinn og löngun mannsins
í velgengni, lífsgleðina, metnað mannsins og
allt mögulegt tengt slíku.
Krabbinn er tákn heimilisins og fjölskyld-
unnar, æskunnar og fjölskyldutengsla, einnig
tákn ellinnar.
Tvíburinn táknar samskiptin við umhverfið
og áhrif frá því - hvernig áhrif manneskjan
hefur á umhverfið og hvernig það verkar á
hana.
Nautið er tákn hins veraldlega, verðmæta-
matsins, peningamálanna. Það merki hefur
áhrif á peningalega framgengni aðilans og
möguleika hans á því sviði.
Hrúturinn táknaði manninn sjálfan til forna.
Það merki getum við sagt að tákni útgeislun
mannsins. En það er í gamalli merkingu.
Það ber nefnilega að hafa í huga að nú hafa
merkin færst til, ef svo má að orði komast,
vegna þess að nú erum við að hefja skeið vatns-
berans. Nýliðið skeið var undir merki fisksins.
Hvert skeið nemur rúmlega 2000 árum.
Skeið vatnsberans merkir að manninum
munu standa til boða tæknilegir möguleikar
sem taka öllu fram er við höfum búið við fram
að þessu. Stórkostlegar framfarir eiga sér stað
á öllum sviðum vísinda og rannsókna. Mannin-
um bjóðast nú stórkostleg tækifæri til þess að
bæta sig, þroskast og þróast á betri veg. En
okkur stafar einnig mikil hætta af þessu skeiði.
Látum við okkur ekki segjast þá er hætt við
að við verðum vélrænni og vélrænni, ómennsk-
ari og ómennskari.
Það eru alltaf tvær hliðar í stjörnuspeki; hin
jákvæða og hin neikvæða. Það má líkja þessu
við að fá stórkostlegan efnivið i hendurnar og
síðan kemur í ljós hvort vel er farið með það
efni eða ekki.“
Samkvæmt þessu öllu saman ætti þá að vera
hægt að lesa í framtíð fyrirtækja, lýðvelda og
þar fram eftir götunum. Hefur Amy gert eitt-
hvað að því?
„Nei, reyndar ekki, en þetta er mjög athygl-
isvert. Hafi maður stofndag og jafnvef stund
er hægt að lesa úr því fyrir fyrirtæki og þjóðir
ekkert síður en fyrir einstaklinga. Og sam-
kvæmt gömlum fræðum er ekki sama hvenær
maður hefst handa við eitthvað.
SKRIFTFRÆÐIN ATH YGLISVERÐ
Það er hægt að lesa úr svo mörgu og gera
það á mjög skynsamlegum forsendum. - Af því
sem ég lærði úti hef ég einna minnst notað
skriftfræðina, allavega mjög litið hérna heima.
Það er synd að nýta þá kunnáttu ekki betur.
Hér á landi hefur þó ekki verið mikill áhugi
fyrir ráðningu skriftar, allavega ekki fram að
þessu, og í því að gera það felst óskaplega mikil
vinna.
Mörg bandarísk fyrirtæki, svo ég nefni nú
dæmi, ráða alls ekki nýja starfsmenn án þess
að láta greina skrift þeirra. - Það ber líka að
hafa í huga að skrift, sem þykir falleg á venju-
legum grundvelli, þarf alls ekki að bera vott
um eftirsóknarverða kosti. Það er alls ekkert
sem heitir að „spá“ í skrift. Skrift er miklu
skýrari vísbending en það.
Skrift manneskju gefur mjög góða vísbend-
ingu um skapgerð hennar, heilsufar, hvort hún
er sveigjanleg eða ekki og hvort henni er lagið
að vinna með öðrum eða ekki. Þetta eru svona
fáein dæmi, svo maður gleymi nú ekki að úr
skrift fólks má lesa mjög mikið um hvort maður
og kona eiga samleið; hvort líkur séu á að
hjónaband þeirra yrði farsælt ef til þess kæmi.
Af skrift sést mikið um veikleika manneskju,
ekkert síður en um styrk og kosti.
Síðast en ekki síst vil ég minnast dálítið á
tölspekina. Hún er mjög áhugaverð frá mörgum
sjónarmiðum og skipti miklu máli í fornri tíð.
Þannig er hún sögulega eftirtektarverð þótt
ekki sé annað. Hún var Kínverjum mikilvæg
og svo sannarlega ekki síður Egyptum, eins og
flestir vita.
Ýmsar tölur eiga sér enn í dag sérstöðu í
huga margra og áhugi á tölspeki fer vaxandi í
hinum vestræna heimi. Svo við hverfum nú
aftur að sérstökum tölum þá skýtur kannski
13 fyrst upp kollinum. Margir óttast þessa tölu,
ekki síst í sambandi við föstudag. I huga krist-
inna manna er það sennilega tengt því að 13
sátu til borðs fyrir krossfestinguna, Kristur og
12 lærisveinar hans. í gamla daga var Júdas
oft nefndur 13. lærisveinninn. - Síðan hafa
margir sérstakt dálæti á tölunni 13; álita hana
vera happatölu.
I stórum dráttum má segja að í tölspeki merki
talan allt dulrænt, örlagabundið, töfrandi, og
jafnframt táknar talan helgi. Neikvæðar hliðar
eru sérstaklega kannski þær að talan getur
táknað hið ófyrirséða, óviðráðanlega, tvíræða.
Tölunnar 7 má einnig geta í sambandi við
dulræn efni. Hún er jafnframt tala greindar og
innsæis, hins heimspekilega og sjálfsagans.
Neikvæðir þættir hennar eru meðal annars
ringulreið og leti.
Síðan er margt sérstakt við töluna 10. Margir
álíta hana vera mikla heillatölu. Samkvæmt
gamalli hefð fylgir henni sigursæld, frumleiki
og sérstakir sköpunareiginleikar. í fyrndinni
var mikil helgi talin vera yfir þeirri tölu. Hverri
tölu fylgja jákvæðir og neikvæðir þættir sam-
kvæmt gamalli trú.
í því sambandi má geta tölunnar 22. Hún
getur verið tákn sköpunargáfu, skilnings, lang-
lundar og visku. Jafnframt táknar hún afbrota-
hneigð, fordóma og áhuga fyrir, ja, til dæmis
svartagaldri, kukli og þess háttar.
Hver bókstafur í stafrófinu á sér síðan tölu-
tákn. Þannig er hægt að reikna út tölu ákveð-
ins nafns, heimilisfangs eða hvað það nú kann
að vera. Gyðingar til forna, Grikkir og reyndar
fleiri þjóðir lögðu mikið upp úr tölugildi nafna.
Samkvæmt hinum ýmsu gömlu kerfum er hægt
að lesa í persónueiginleika manneskju, heilsu-
far, samskipti við aðra og óteljandi aðra þætti
með því að beita tölspekinni.
Dulspekin er yfirleitt mjög athyglisverð, þótt
ekki sé nema vegna þess innsæis sem hún oft
veitir í hugsunarhátt er ríkti á ýmsum liðnum
menningarskeiðum. Þar kemur margt fram sem
hvergi stendur í sögubókum en gerir söguna
kannski mun skiljanlegri á margan hátt. Það
er líka athyglisvert hve margt er sameiginlegt
í mýstík, eða dulspeki, þjóða sem virðast ekki,
hafa haft nein samskipti á einn eða annan veg,
hvorki í tíma né vegna búsetu."
P.S. Heimilisfang Amy Engilberts er Safa-
mýri 89, Reykjavík. Það er ekki hægt að ná
sambandi við hana í síma en bréfleiðis er það
auðvelt.
Vikan 8. tbl. 45