Vikan - 20.02.1986, Blaðsíða 47

RICK
SPRINGFIELD
Kæri Póstur.
Ég er hér með nokkrar spurningar sem
mig langar að fá svör við.
1. Hvað hefur Rick Springfield gefið út
margar plötur og hvað heita þær?
2. Hvert er heimilisfang aðdáendaklúbbs
hans?
3. Hvað er hann gamall?
4. Er hann gifturog á hann börn?
5. Er ekki hægt að birta eitthvaö um hann
í Vikunni?
Með fyrirfram þökk fyrir bírtinguna.
Aðdáandi
Póbturínn veit ekki mikið um Rick
Spríngfield en lætur það fljóta sem hann
veit. Hann er fæddur 23. águst 1949 í
Sydney í Ástralíu. Hann er 185 cm á hæð,
með brúngræn augu og dökkbrúnt hár
Rétt nafn hans er Richard Springthorpe.
Árið 1972 hófst ferill hans með laginu
Speak to the Sky sem komst á toppinn i
Ástralíu. Hann lék eftir það í sjónvarps-
þáttunum General Hospital og öðlaðist
mik/a frægð í Bandaríkjunum. Þú ættir að
geta fengið upplýsingar um p/öturnar hans
i næstu hljómplötuverslun. Um kvenna-
málin hefur Pósturinn því miður engar
upplýsingar.
Þú getur skrifað honum á eftirfarandi
heimilisfang:
Rick Springfield.
c/o Sound City,
15456 Cabrito Road.
Van Nuys.
Ca. 91406.
U.S.A.
ER ÞETTA
NOKKUÐ
HEILBRIGT?
Elsku Póstur.
Við erum tvær I voðalegum vanda stadd-
ar. vanda sem við verðum að fá ráð við.
Víð erum 14 ára, í sama bekk og erum
bestu vinkonur og meira en það því við
erum hrifnar hvor af annarri, hreint og
beint ástfangnar. Við erum báðar sætar að
mati stráka en við viljum ekki sjá þá.
i leikfimi norfum við hvor á aðra þegar
við háttum. Við káfum oft hvor á annarri
og erum í sjokki á eftir, vissar um að ein-
hver hafi fattað. Einu sinni fengum við að
sofa saman og urðum að sofa í sama rúmi.
Þá byrjuðum við að káfa hvor á annarri
og kyssast Við gerðum það næstum því
í útilegu sem við fórum í með nokkrum
krökkum. Þar voru strákar og stelpur
sarnan en við vildum bara hvor aðra. Erum
við lesbur, erum við geðveikar eða er þetta
sálrænt vandamáH Er það nokkuð heilbrigt
að tvær 14 ára stelpur séu saman eins og

strákur og stelpa? Eigum við að leita til
geðlæknis eða sálfræðings?
Elsku Póstur, svaraðu okkur og reyndu
aðgefaokkurgottráð.
Tværráðalausar
Pósturinn getur ekki dæmt um það hvort
þig eruð samkynhneigðar eða ekki. Aðeins
þið sjálfar getið sagt til um það þegar fram
líða stundir Háttalag ykkar er ef til vill
ekki algengt en getur ekki á nokkurn hátt
talist óheitbrígt. Á unglingsárunum vaknar
kynhvötin hjá fólki og brýst fram í ýmsum
myndum. Al/ir hafa þörf fyrir blíðu og
snertingu. Nánir vinir og vinkonur eru oft
óragari við að gefa tilfinningum sínum
lausan tauminn og sýna hvort öðru atlot.
Þeir. þau eöa þær eru i sameiningu að
uppgötva leyndardóma iíkamans og sumir
ganga lengra en aðrir.
Tilflnningar ykkar gætu þó veriö annað
og meira en þetta og þó að svo sé er það
heldur ekki neitt ..sálrænt vandamál" eða
óheilbrigt. I samfélaginu hefur alltaf á öll-
um tímum verið fjöldi einstaklinga sem
vill heldur elska annað fólk af sama kyni
og það er sjálft en hinu gagnstæða. Það
er alltaf erfitt að segja tii um hve þetta á
við um stóran hop i þjóðfélaginu því
margir eru tregir til að viðurkenna samkyn-
hneigð sina vegna fordóma annarra. Ótt-
inn við að viðurkenna kynhneigð sina.
óttinn við að verða fyrir aðkasti vegna
hennar. veldur samkynhneigöum oft mik-
illi þjánmgu og óhamingju. Hér á Islandi
hafa verið stofnuð samtök homma og
lesbía til þess að gæta rettar þeirra í sam-
féiaginu. berjastgegn fordómum og hjálpa
þeim að viðurkenna kynhneigð sina. Þessi
samtök hafa viðtalstíma og eru allar upp-
lýsingar um þau í símaskránni undir Sam-
tökin '78. Ef þið kærið ykkur um getið þið
haft samband við þessi samtök. Einnig
bendir Pósturinn ykkur á að lesa kafiana
um samkynhneigð í fræðslubókinni Þú og
ég og Nýja kvennafræðaranum. Ungl-
ingaráðgjöf (sem einnig er í símaskránni)
gætiog orðið ykkurað einhverju liði.
ASNALEGT
AÐ BIÐJA
EINHVERN
AÐ BYRJA
MEÐSÉR
Háttvirti dýrkaði Póstur.
Mig langar að spyrja þig að nokkru sem
ég vona að þú svarir. Þegar strákur biður
mann að byrja með sér, hvernig getur
maður þá svaraö? Mér finnst svo asnalegt
að segja bara já, það vantar eitthvað svo
á þetta. Ef maður segir já, já, þá er eins
og verið sé að bjóða manni í bíó eða
afmæli. Maður getur auðvitað haft þetta
mjög auðvelt og sagt: Ég ætla að hugsa
mig um, og sagt svo seinna: Ég vil byrja
með þér, En ef maður segist ætla að hugsa
sig um þá heldur strákurinn að maður sé
ekkert æðislega hrifinn af honum. Svo
langar mann alltaf til að segja já strax ef
maður er hrifinn af stráknum. Jæja, nú hef
ég þetta ekki lengra og bið þig að birta
ekki nafniö mitt, aðeins dulnefniö,
Bæ, bæ.
RogerTaylor
Pósturinn ersatt aó segja i smávandræð-
um með að ráðleggja þér eitthvað íþessum
efnum. Honum hefur reyndar sjálfum alltaf
fundist dálltið skrítió hvernig þetta gengur
fyrir sig. þad er að segja einn biður annan
að byrja með sér svona rétt eins og hann
sé að bjóða upp i dans. Hjá eldri krökkum
og fullorðnu fóiki þróast málin venjulega
þannig að fólk hittist, dansar tii dæmis
saman og sambandið smáþróast út frá
því. Þið yngri krakkarnir hafið annan hátt
á. spyrjið að þessu hreínt út. Það getur
vitanlega verið ágætt stundum en Póstur-
inn verður að vera sammála í því að þetta
getur verið ansi vandræöalegt Ef þú ert
til dæmis mjög hrifin af einhverjum sem
biðurþig að byrja með sér, þá er tiltölulega
einfalt mál ad segja já við því. En ef þú
ert svona rétt að spá / strákinn væri betra
að málin fengju að þróast. Póstur/nn veit
eiginlega ekki annað rað handa þér en að
þú reynir bara að fylgja samviskunni. fara
eftir þvi sem þér finnst sjálfri. Ef þú hefur
til dæmis nokkurn áhuga á einhverjum
strák en veist ekki hvort þig langar að byrja
með honum á föstu. getur þú þá ekki bara
talað um það við hann að þér finnistasna-
legt að fara svona að þessu og hvort þið
getið ekki bara séð til og látiö málin þróast
ef þið hafið bæði áhuga? En hvaö finnst
öðrum krökkum um þetta? Strákar og
steipur, sendið Póstinum línu og segið
endilega skoðun ykkar á þessu fyrírkomu-
lagi eða hvernig mætti breyta þvi.
Vikan 8. tbl. 47