Vikan - 20.02.1986, Blaðsíða 60

Rudolf Valentino
og vinkona taka
strikið yfir gólfið í
einbeittum tangó I
myndinni The Four
Horsemen and the
Apocalypse
(1921).
Fyrir um 75 árum heltók nýtt æði Evrópubúa.
Æðið barst yfir hafið frá Suður-Ameríku og
féll í góðan jarðveg hjá forréttindastétt Evrópu
síðustu árin fyrir stríð, á síðustu árum blóma-
skeiðsins svonefnda. Þá þyrsti hina vel stæðu
Evrópubúa í afþreyingu og skemmtan og tóku
nýjum og æsandi dansi opnum örmum. Dansinn
var tangó.
Enginn veit með vissu hvaðan tangóinn er
upprunninn. Árið 1913 hélt franskur prófessor
lærðan fyrirlestur í París um að tangó hefði
þróast frá hinum forngríska dansi Þebumanna.
Onnur kenning er sú að dansinn hafi þróast
upp úr sígaunadansi sem hefði borist til Spánar
fyrr á öldum og þaðan til Argentínu. En það
var í Argentínu sem tangóæðið kviknaði og þar
varð dansinn að óopinberri þjóðaríþrótt. Senni-
legasta kenningin um uppruna tangósins er að
hann sé orðinn til fyrir samruna afrískra og
spænskra dansa í Argentínu. Orðið tangó er
einna helst talið komið úr vestur-afrískum
málum en þar merkir orðið að dansa. En þeir
sem dönsuðu tangó hvað ákafast á árum áður
kærðu sig kollótta um allar slíkar pælingar,
fyrir þá var það dansinn einn sem skipti máli.
Vals var dans aðals- og hefðarfólks og fox-
trott þótti siðsamur og tilhlýðilegur dans. En
ekki tangó. Sé tangó dansaður af innlifun og
eins og á að dansa hann fer ekkert á milli
mála hvar hann endar eftir ballið. Siðprúðar
stúlkur í Argentínu dönsuðu alls ekki tangó.
Þegar æðið barst til Evrópu varð siðapostulum
ekki um sel. Sagt er að lögreglan í Kaup-
mannahöfn hafi lagtbann við tangó á dansstöð-
um en Þýskalandskeisari lét sér nægja að
banna yfirmönnum hersins að dansa tangó í
einkennisbúningi.
Það voru hinir náðarsamlega siðlausu
Frakkar sem skiptu sér ekkert af slíku og hrif-
ust umsvifalaust af tangó. I París fékk tangóinn
að gróa og blómstra með öllum sínum lostafullu
hreyfingum og sveiflum. Dansinn barst vitan-
lega einnig til Englands en þar var hann aldrei
dansaður af sömu óskammfeilnu innlifuninni
og í Parfs. Einkaskólagengna enska yfirstéttar-
liðið, sem kom beint af fasanaveiðum eða refa-
skyttiríi á böllin, gat svo sem alveg lært sporin
en gat aldrei almennilega gleymt sér í sveifl-
unni. Tangó er ekki beint í samræmi við bresk-
an hugsunarhátt og ósveigjanleika.
Enn þann dag í dag lifir tangóinn góðu lífi
í París og síðasti tangó í Paris verður ekki
dansaður í bráð. Þar eru margir dansstaðir sem
eingöngu er dansaður tangó á, útvarpsstöðin
Montmartre útvarpar tangótónlist á hverjum
degi og dansskóli einn kennir eingöngu tangó.
Tangó er dans fyrir tvo. Hann er verðugt
mótvægi við sjálfsdýrkunardansa nútimans og
sameinar frumstæða mannlega hvöt og há-
þróaða, þrautæfða tækni og er í rauninni allt
það sem dans er og á að vera.
Tangósporin ein-
földuð fyrirbanda-
ríska fætur:
(1) Stígið hægttil
vinstri með vinstra
fæti.
(2) Setjið hægri fót (4) Stígið snöggt
í kross fram fyrir
þann vinstri.
(3) Stígið snöggt
fram með vinstra
fæti.
til hægri með
hægra fæti.
(5) Dragið vinstri
fótað hægra fæti
en stígið ekki í
hann.
60 Vikan8. tbl.