Vikan - 05.03.1987, Blaðsíða 18

Gamlir en góðir
Margrét Þorláksdóttir, kona Þorsteins Daníelssonar
dannibrogsmanns á Skipalóni, var veglega búin á
þjóðhátíðinni á Akureyri árið 1874. Skartaði hún
þennan dag krínólíni eða svigapilsum er sumir
nefndu svo. Nú bar svo við að Margrét átti leið nið-
ur stiga og sá þá lítt niður fyrir sig vegna pilsanna.
í sömu andrá kemur bóndi nokkur þaðan úr sveit-
inni upp stigann og var hann aHdrukkinn. Uggði
hann ekki að sér heldur gekk upp undir pilsin og
nam ekki staðar fyrr en kollur hans steytti á frúnni
á Skipalóni. Varð honum dimmt fyrir augum á þess-
um stað en lét sér lítt bregða þótt genginn væri í
ófæru. Heyrði Margrét að hann sagði stundarhátt
niðri í sjálfheldunni: Hér sé guð. Hér hef ég aldrei
komið áður.
Guðbrandur Jónsson prófessor var eitt sinn á ferð
milli landa á Gullfossi og sat uppi í reyksal með koníaks-
glas í hendinni. Farþegi nokkur kemur inn í salinn og
spyr um jómfrúna. Þá svarar Guðbrandur: Hún var hér
rétt áðan en skrapp niður með manni til að skipta um titil.
í skammdegi og miklum
snjó bar gest að góðum
garði norðanlands. Var þá
komið kvöld. Gesturinn var
talinn óhóflega latur og
svefnpurka mikil. Hann
baðst gistingar og bóndi
kvað það velkomið. Voru
svo dregin af honum vos-
klæði, veittur góður beini
og síðan fylgt til sængur í
gestastofu. Þá sagði bóndi
við heimilisfólk sitt: - Nú
skulum við sjá hvað hann
getur sofið lengi og hafi nú
alhr hljótt í bænum. Síðan
gekk hann út og byrgði
stofuglugga rækilega með
snjó. Ekki gerði gesturinn
vart við sig næsta dag og
forðuðust allir að vekja
hann. Svo leið sá dagur og
næsta nótt. Þegar gesturinn
gerði enn ekki vart við sig
daginn eftir fór bónda ekki
að lítast á blikuna og hélt
að hann kynni að vera
dauður. Gekk bóndi því
með ljós í gestastofu og
bauð góðan dag háum
rómi. Þá rumskaði gestur,
strauk stírumar úr augirn-
um og sagði: - Þetta finnst
mér einhver lengsta nótt
sem ég hef lifað og gott var
að þú vaktir mig.
- Jæja, sagði bóndi, ertu
á hraðriferð?
-Já, blessaður vertu,
svaraði gestur. Ég er að
sækja yfirsetukonu.
18 VIKAN 10. TBL