Vikan - 02.07.1987, Page 43
Pósturinn
LÍTUR EKKI VIÐ MÉR
Kæri Póstur!
Fyrir sex vikum fór ég í partí til eins vinar
míns. Þar hitti ég alveg æðislega sæta stelpu.
Mig langaði mjög mikið að reyna við hana
og þegar vinur minn sagði að hún væri ekki
með neinum sérstökum ákvað ég að taka séns-
inn. Ég spurði hvort hún vildi dansa og hún
tók vel í það. Sigga (en það heitir stelpan) var
alveg hörku hress og mikill djókari. Við vor-
um svo saman út allt partíið. Þegar ég spurði
hvort ég mætti hringja í hana tók hún því
bara vel; hún vildi endilega hitta mig aftur.
Tveimur dögum seinna hringdi ég í hana og
spurði hvort hún vildi koma með mér í bíó.
Hún samþykkti það. Eftir bíóið fórum við
heim til hennar og kjöftuðum saman mjög
lengi.
Við fórum svo nokkrum sinnum út saman
eftir þetta og margir héldu að við værum á
föstu. Mér fannst það alveg koma til greina
enda virtist Sigga vera hrifin af mér. Eitt
kvöldið ákvað ég að spyrja hana hvort hún
vildi byrja með mér. Þá varð hún alveg fer-
lega vandræðaleg en sagðist ætla að hugsa
málið. Daginn eftir hringdi ég svo til hennar
en þá svaraði mamma hennar og sagði að hún
væri ekki heima. Ég bað hana að biðja Siggu
um að hringja í mig en ekkert heyrðist í Siggu
og ég ákvað að reyna á ný. Þá svaraði systir
hennar og sagði að Sigga væri ekki heima. í
þriðja skipiið, þegar ég hringdi, sagði mamma
hennar mér að Sigga væri farin út á land að
vinna. Mér brá dálítið við þessa frétt; hún
hvarf alveg án þess kveðja mig og við sem
vorum alltaf saman.
Mánudaginn eftir þetta byrjaði ég í ungl-
ingavinnunni - og hverja heidur þú að ég
hafi hitt í rútunni upp í Heiðmörk? Siggu!
Ég spurði hana hvort hún hefði ekki farið út
á land að vinna en hún viidi ekki svara mér.
Hún lét sem hún sæi mig ekki og virtist forð-
ast mig. Nú höfum við unnið saman í tvær
vikur og Sigga er alveg ógeðslega merkileg
með sig og lætur sem ég sé ekki til. Til við-
bótar gera hún og vinkonur hennar grín að
mér og baktala mig. Ég er venjulega ekkert
spéhræddur en þetta fer í taugarnar á mér.
Kæri Póstur, mér líður ferlega illa út af þessu
en hvað get ég gert? Og hvað hef ég gert
Siggu? Mér finnst óréttlátt hvernig hún kemur
fram við mig því við vorum orðin svo finir
vinir. Á ég að halda áfram að reyna að ná
sambandi við Siggu því ég er ferlega hrifinn
af henni? Á ég að láta hart mæta hörðu eða
bara reyna að gleyma henni?
Y.
Kæri Y!
Þú hefur lent illilega í því. En eitt getur þú
verið viss um; Siggu líóur miklu verr en þér.
Tilfinningar hennar í þinn garð eru augljóslega
blendnar en hún virðist vera hrœdd við að stofna
til nánari kynna við þig. Nú veit ég ekki alveg
hversu gömul þið eruð en ég gœti trúað að þið
vœruð 14-15 ára. Hugsanlega er Sigga bara
ekki tilbúinn til þess að byrja með strák. Hún
vill að þú sért vinur sinn og eflaust er hún agnar-
ögn skotin í þér en hefur ekki kjark til þess að
stíga jleiri skref. Þetta getur hún þó ekki viður-
kennt fyrir sjálfri sér né öórum. Þar af leiðandi
kemur hún sér í mikla klípu. Hún er ejlaust
mjög feimin að eðlisfari og í stað þess að rœða
opinskátt við þig um málin reynir hún að ná
athygli þinni meó því að erta þig. Eg myndi
ráðleggja þér að taka þessu rólega, láta bara
sem hún sé ekki til og síst af öllu taka stríðni
og róg vinkvennanna alvarlega. Og mundu að
það eru fleiri flskar í sjónum en Sigga!
VIÐBJÓÐSLEG
TÁFÝLA
Kæri Póstur!
Ég á við virkilega stórt vandamál að stríða.
Ég er mikill hlaupari og hlaup eru það
skemmtilegasta sem ég veit. En þessari ástríðu
minni fylgir einn galli. Hann er sá að eftir
löng hlaup svitna ég alveg rosalega mikið á
fótunum. Þessum mikla svita fylgir ferlega
rammur þefur. Ég sit og skrúbba lappir mínar
öllum stundum og hef prófað alls kyns krem
og ilmvötn. Auk þess reyni ég að þrífa skóna
að minnsta kosti þrisvar i viku. Þetta ber þó
ekki meiri árangur en svo að flestir á heimili
mínum eru stöðugt að bölva og skammast
yfír lyktinni. Ég veit að víða erlendis er hægt
að kaupa sérstakan táfýluúða og ég hef spurt
um hann hérna heima í nokkrum verslunum
og apótekum en ekki haft erindi sem erfiði.
Nú langar mig að spyrja þig hvort það sé ein-
hver staður hér í bænum þar sem hægt er að
kaupa svona krem eða úða. Ég yrði mjög
ánægð ef þú gætir bent mér á slíkan stað.
Fýla.
Kœra ,,Fýla“!
Þú þarft ekki að örvœnta. Pósturinn hóf leit
og fann fjögur apótek í bænum þar sem til sölu
er fótaúði og púður. Þetta voru Holts-, Ing-
ólfs- og Iðunnarapótek ásamt Apóteki Austur-
bœjar. Afgreiðslufólk í þessum lyfjaverslunum
taldi aó hœgt vœri að kaupa fótakrem í flestum
apótekum og i snyrtivöruverslunum. Þú ogfjöl-
skylda þín œttuð því senn að geta andað rólegar
og betur.
RÉTTINDA-
LAUSIR
BÍLSTJÓRAR
OG SMARTIES
Kæri Póstur!
Ég er 16 ára gömul og hef ekki enn fengið
bílpróf. Samt sem áður keyri ég nokkuð mik-
ið. Nú langar mig að spyrja: Ef ég lendi í
bílslysi, klessi minn bíl eða annarra, hver er
þá réttur minn? Mér hefur nefnilega verið
sagt að manneskja, sem hefur ekki bílpróf,
geti ekki fengið neinar bætur eða slíkt. Svo
hef ég aðra spurningu. Ég frétti að hugsanlega
ætti að hætta að selja Smarties sem er uppá-
haldssælgætið mitt. Gætir þú komist að því
hvort þetta er rétt og ef svo er hvers vegna
þetta var ákveðið?
Ökuóður sælgætisgrís.
Þú hefur rétt fyrir þér. Próflaus bílstjóri er
réttlaus ef hann verður fyrir eða er valdur aó
skaða. Hann fœr engar batur ef hann slasast
og verður að greiða fullar bœtur til þess sem
hann slasar. Leggðu nú bara bílnum þar til þú
hefur bílpróflð upp á vasann. Slysin gera ekki
boð á undan sér.
Eftir svona prédikun get ég glatt þig með því
að ekki verður hœtt að selja Smarties. I þeirri
gerð þess sem nú er á boðstólum eru litarefni
sem ekki eru leyfð á Islandi. Þetta Smarties
mun hverfa af markaðnum í haust og annað
sem ekki inniheldur fyrrgreind efni koma í þess
stað. Þú þarft því ekki að birgja þig upp.
27. TBL VIKAN 43