Vikan - 29.11.1990, Síða 70

KÓKOSBOLLUR
Þetta er frekar ódýrt og auðtilbúið sælgæti sem
bæði börn og fullorðnir kunna vel að meta.
Kókosbollurnar þarf að geyma ( lokuðu íláti
eða I plastpoka á köldum stað.
Uppskrift:
2 dl vatn,
5 dl Ijós púðursykur,
8 blöð af matarlími og vatn,
1 msk. vanillusykur,
1 pakki hjúpsúkkulaði,
2-3 dl af kókosmjöli.
Leggið matarlímsblöðin í kalt vatn. Blandið
saman 2 dl af vatni og sykri og látið suðuna
koma upp við vægan hita. Látið sykurlöginn
sjóða í 2-3 mínútur og bræðið síðan matar-
límsblöðin í heitum leginum. Bragðbætið með
vanillusykri. Látið sykurlöginn kólna svolítið.
Þeytið duglega, helst í hrærivél, þartil lögurinn
er orðinn alveg kaldur. Þá er hann orðinn seig-
ur og hvítur. Þegar þessu er lokið eru búnar til
kúlur úr þessu seiga deigi og þær settar á vel
smurðan bökunarpappír.
Bræðið hjúpsúkkulaðið, stingið kúlunum nið-
ur í það og leggið þær svo aftur á pappírinn.
Veltið þeim upp úr kókosmjöli og látið þær svo
standa á köldum stað þar til þær eru orðnar vel
stífar.
HNETUKÚLUR
Það má nota hvaða hnetur sem er ( þessar
kúlur, heslihnetur, valhnetur eða jarðhnetur og
gott getur verið að blanda þessu saman líka.
Uppskrift:
100 g hnetukjarnar,
100 g suðusúkkulaði,
1 tsk. smjör.
Hakkið hneturnar gróft og ristið þær létt í
smjöri. Bræðið súkkulaðið og hrærið hnetun-
um saman við það. Setjið blönduna f mislit
álform. Látið þau standa á köldum stað þar til
súkkulaðið er orðið stíft.
VALHNETUKONFEKT
Uppskrift:
200 g marsípan,
grænn matarlitur, ef vill,
10-12 valhnetur,
100 g hjúpsúkkulaði.
Hnoðið marsípanið og blandið fáeinum
dropum af matarlit út í ef þið viljið hafa konfekt-
ið grænt. Búið til sívalning úr marsípaninu og
skerið hann niður í 20 jafnstóra hluta. Þrýstiö
hnetukjörnum ofan á hvert stykki. Bræðið
hjúpsúkkulaði og stingið hálfum bitanum niöur
í það, svo hver biti verði að hálfu hulinn súkku-
laði. Leggið bitana á olíuborinn pappír og leyf-
ið súkkulaðinu að harðna. Fallegt er að bera
þessa bita fram í litlum mislitum álformum.
70 VIKAN 24. TBL.1990