Vikan - 13.12.1990, Page 84

Gómsætir eftirréttir
orðið hæfilega kalt er stífþeyttum rjóma bætt
saman við.
SKYRTERTA MEÐ JARÐARBERJUM
- fyrir 14—16
1 kg rjómaskyr, hálfur I rjómi, 100 g sykur,
12 matarlímsblöð, 100 g jarðarber.
Aðferð:
Skyrið er hitað aðeins. Matarlfmið linað í köldu
vatni. Síðan er það brætt yfir vatnsbaði. Þar
næst er því blandað saman við skyrið og látið
kólna. Blandað saman við léttþeyttan rjómann
og jarðarberin sett út í. Gætið þess vel að skyr-
ið sé ekki heitt. Gott er að setja 3-4 eggjarauð-
ur saman við en þeim má þó sleppa.
Botn:
200 g musli, 50 g sykur, 50 g smjör.
Aðferð:
Smjörið brætt ásamt sykrinum og múslíinu
bætt út í. Þegar þessu hefur verið blandað vel
saman er það sett í viðeigandi form. Múslfinu
er þrýst vel niður í formið og látið kólna. Þegar
það er orðið kalt er skyrblöndunni með jarðar-
berjunum hellt í formið. Látið kólna.
Jarðarberjahlaup:
100 g jarðarber, 50 g sykur,
2 matarlímsblöð.
Aðferð:
Sjóðið saman ber og sykur og merjið. Bætið
matarlímsblöðunum út í eftir að þau hafa verið
linuð á venjulegan hátt. Hrærið vandlega í á
meðan matarlímið er að leysast upp. Látið
kólna hæfilega og setjið maukið þessu næst
ofan á tertuna, þó ekki fyrr en hún er orðin stíf.
BRÓMBERJATERTA MEÐ SÚKKULAÐI
Þessi uppskrift er miðuð við þrjár tertur. Þeir
sem ekki eru svo stórtækir verða að minnka
uppskriftin. Hér er bakaður einn þykkur tertu-
botn, skorinn í þrennt.
Botn:
125 g sykur, 120 g hveiti, 1 tsk. kakóduft,
4 egg.
Sykurinn og eggin eru stífþeytt og síðan er
hveitinu blandað varlega saman við. Sett í
form og bakað við 160°C. Smyrjið formið vel
að innan.
Hliðarnar á kökunni:
125 g sykur, 125 g hveiti, 4 egg.
Sykurinn og eggin eru stífþeytt og hveitinu
blandað varlega saman við. Sett á bökunar-
plötu með smurðum smjörpappír. Deiginu jafn-
að þunnt yfir plötuna og bakað við 180°C í
nokkrar mínútur. Þegar kakan er bökuð er
henni hvolft á annan smjörpappír og hinn los-
aður frá. Þunnt lag af brómberjasultu er borið á
kökuna og hún skorin í fjóra jafna hluta sem
lagðir eru saman. Sultan verður þá alls staðar
á milli laga og einnig efst.
Súkkulaði ofan á kökunni:
800 g dökkt súkkulaði, 4 heil egg,
100 g smjör, 1 lítri stífþeyttur rjómi,
450 g brómber og sykur til að strá á þau.
Súkkulaðið er látið bráðna í vatnsbaði ásamt
smjörinu. Einu og einu eggi er þessu næst
bætt út í og hrært saman við. Þegar þetta er
Kökubotninn (kakóbotninn) er settur á disk og
hringform utan um. Kakan með sultunni á milli
er skorin í hæfilegar sneiðar og þeim raðað
innan í formið meðfram kökunni. Brómberin
eru sett í miðjuna. Síðan er súkkulaðikreminu
hellt ofan í og fyllt hæfilega. Kakan er höfð í
kæli þar til hún stífnar. Ef kökuræmurnar
standa upp úr eru þær skornar burtu og rest-
inni af kreminu sprautað fallega á tertuna.
FRÖNSK JÓLARÚLLUTERTA
- fyrir 15
Botn:
10 eggjarauður, 10 eggjahvítur,
375 g sykur, 250 g hveiti.
Aðferð:
Stífþeytið sykurinn og eggjarauðurnar, sigtið
hveitið út í og hrærið með sleikju eða sleif.
Síðan eru eggjahvíturnar stífþeyttar og bland-
að mjög varlega með sleikju eða sleif saman
við hræruna. Sett á smjörpappír á bökunar-
plötu, ekki of þykkt eða misjafnt. Bakað við
180°C í ca 8-10 mínútur. Látið aðeins kólna
og kakan síðan sett á plastfilmu. Kremið er
borið á með pönnukökuspaða, síðan er tertan
rúlluð upp og lokað fyrir endana með því að
binda hnút á plastfilmuna. Sett í kæli og látin
kólna og stífna.
Súkkulaðismjörkrem:
7 eggjarauður, 250 g sykur, 1 dl vatn,
250 g smjör, 250 g dökkt súkkulaði.
Eggjarauðurnar eru stífþeyttar. Sykurinn er
soðinn með vatninu f 145°C og síðan er hon-
um hellt út í eggjarauðurnar og þeytt þar til
kremið er farið að stífna og þykkna. Þá er
súkkulaðinu bætt út í og loks smjörinu.
Rúllutertunni er komið fyrir eins og trjádrumbi á
diski eða fati (sjá mynd) og yfir hana er spraut-
að chantilyrjóma og loks er stráð kakódufti yfir
allt saman.
Chantilyrjómi:
1/2 lítri rjómi, 75 g sykur.
Sykrinum blandað saman við rjómann hálf-
þeyttan og hann síðan stífþeyttur.
EGGJABÚÐINGUR
MEÐ KARAMELLUSÓSU
1 lítri mjólk, 6 eggjarauður, 4 heil egg, 150 g
sykur, rifinn börkur af einni appelsínu,
200 g sykur. Grand Marnier Ifkjör.
Appelsínubörkurinn settur út í mjólkina og hún
hituð að suðumarki. Eggjarauðurnar og eggin
eru þeytt saman við sykurinn (150 g) og bætt
út í heita mjólkina. Gætið þess að mjólkin sé
ekki sjóðandi heit. Úr afganginum af sykrinum
(200 g) er búin til karamella sem sett er f form
ásamt líkjörnum, en gætið þess að láta ekki of
mikið af honum. Síðan er eggjamjólkinni hellt í
formið og þetta er bakað í vatnsbaði í ca 40
mínútur við 150°C. Hafið lok eða álpappír yfir.
84 VIKAN 25. TBL. 1990