Vikan - 29.06.1999, Síða 9

siálfeáiK9 ®r Þeíta ,íka endur
sjaifeahtsuis sem var gjöreamle
sem ýtir manni út í svona lagað.
Mér fannst þetta bara vera
gaman og sniðugt. í rauninni er
það fyndin tilhugsun að ein-
hvern tímann seinna á manns
eftir að vera minnst sem einnar
af fyrstu íslensku dömunum
sem birtust í Playboy. Ég tel
ekki ólíklegt að fleiri íslenskar
stúlkur eigi eftir að sitja fyrir í
blaðinu. Þetta hentaði tísku-
straumum úti í Bandaríkjunum
vel vegna þess að ísland hefur
verið í tísku. Þeim fannst æðis-
gengið að taka myndir af ís-
lenskum stelpum. Um leið og
ég var búin tala við forsvars-
mennina þá sagði ég öllum að
ég ætlaði að láta taka myndir af
mér fyrir Playboy. Vinir mínir
voru mjög jákvæðir. Ég heyrði
ekki neinar neikvæðar raddir,
ekki heldur eftir að myndirnar
birtust." Helga verður hugsi á
svip og bætir við:
Jú, ég man eftir að ein eldri
kona kom að máli við mig og
spurði: „Hvernig getið þið ungu
stúlkurnar gert þetta?" Þessi
setning var sú neikvæðasta sem
ég fékk að heyra. Samstarfs-
menn mínir komu með skot
eins og „ég sá myndir af þér?"
og síðan var hlegið góðlátlega."
Hvernig brást fjölskyldan þín
við fréttunum?
„Foreldrar mínir skildu þegar
ég var þriggja ára gömul. Faðir
minn býr erlendis og ég hef
mjög lítið samband við hann.
Hann er víst að flytja til Sómal-
íu með nýju eiginkonuna sína.
Ég hitti hann í febrúar á þessu
ári og þá hafði ég ekki hitt hann
í fimm ár. Ég heyrði lítið frá
honum vegna myndanna.
Móðir mín býr hér í Reykjavík
en gaf ekkert út á þessar fréttir.
Helga trúlofaði sig nýlega og
geislar af hamingju. Hverer
hinn heppni?
„Hann heitir Jón Ingi og er
27 ára tölvuforritari hjá Oz.
Við erum nýlega búin að festa
kaup á húsi í Árbænum og
hlökkum til að flytja úr okkar
30 fm íbúð í 190 fm raðhús. Við
erum frekar heimakær þar sem
við vinnum bæði mjög mikið.
Við eigum kött. Barneignir eru
ekki á dagskrá alveg strax,
kannski í kringum þrítugsaldur-
inn.
Gifting er fyrirhuguð á næst-
unni og mig langar til að gifta
mig erlendis á einhverjum mjög
sérstökum stað, þess vegna í
Kína eða Japan. Mig langar að
gera þetta allt öðruvísi en allir
aðrir."
Hvað fannst kærastanum um
myndbirtinguna í Playboy?
„Á því tímabili vorum við
einungis vinir og hann hluti af
vinahópnum. Hann tók því
mjög vel. Þetta er spurning um
traust, eins og margt annað í
samböndum. Þótt ég láti
mynda mig léttklædda eða al-
veg berrassaða einhvers staðar,
þá er ekki þar með sagt að ég sé
auðveld bráð fyrir karlmenn.
Það er mikill misskilningur.
Margir líta svo á að ég hljóti að
vera létt á bárunni fyrst ég er
tilbúin til að láta mynda mig
nakta, ég hef fundið fyrir því.
Kærastinn minn veit að ég geri
það sem mér finnst rétt og styð-
ur mig í því."
Svæsnar myndatökur
Ertu að sinna fyrirsætustörf-
um um þessar mundir?
„Já, ég er eitthvað svona að
dútiaíþessu. Ég sat fyrir hjá
Heimsmynd í haust og var jóla-
stúlka Séð&Heyrt um síðustu
jól. í janúar birtist aftur mynd
af mér í sama blaði og þar sást
nú svolítið meira af mér en til
stóð fyrir mistök. Ég hafði bent
ritstjórunum á að myndin mætti
ekki birtast svona og þeir ætl-
uðu að breyta því, en myndin
birtist óbreytt.
Ég er á skrá hjá Eskimo
models og þaðan fékk ég verk-
efni fyrir Bleikt&Blátt sem birt-
ist í nýjasta tímaritinu. Þessar
myndir eru mjög fagmannlega
unnar og snyrtilegar. Ég hef
verið heppin og ekki oft lent í
einhverju bulli eins og fylgir
bransanum. Ég minnist þess
einu sinni að ég var eins og
gripur á gripasýningu á meðan
verið var að mynda mig og allt