Menntamál - 01.02.1944, Blaðsíða 8

26
MENNTAMÁL
„Ég hef alls haldið 7 fundi með kennurum, venjulegast
fund fyrir kennara úr hverri sýslu. Fyrsti fundurinn var
haldinn í október 1942.“
„Hvernig hafa þessir fundir verið sóttir?“
„Ágætlega. Ég hef haft samvinnu við kennarafélögin
um þá, þar sem þau hafa verið, en annars staðar hafa
fundirnir orðið til þess, að slíkur félagsskapur hefur verið
myndaður, þótt hann hafi ekki verið til áður. Þorsteinn
Einarsson íþróttafulltrúi hefur mætt á flestum fundun-
um og Helgi Elíasson fulltrúi á tveimur, og hafa þeir þótt
góðir gestir.“
„Hve lengi hafa fundirnir staðið yfir?“
„Einn til tvo daga eftir því, hvernig staðið hefur á
ferðum um fundarsvæðið. Fundirnir hafa verið því
ánægjulegri, sem þeir hafa staðið lengur.“
„Og tilgangurinn með þessum fundum: Hver hefur
hann verið?“
„Hann hefur verið sá, að rjúfa einangrun kennara, sem
starfa einir síns liðs á afskekktum stöðum, og ræða í
einlægni og eindrægni sameiginleg áhugamál, kennslu- og
skólamál.“
„Um hvað hafið þið sérstaklega rætt á fundunum?“
„Það hefur verið næsta margt. Má þar til dæmis nefna,
að mikið hefur verið rætt um að hafa áhrif á framkomu
barna og hugarfar.“
„Og hvað hafa kennarar sagt um það?“
„Það hefur glögglega sézt á umræðunum, að kennarar
hafa áhuga fyrir því, að börnin komi vel fram og kurteis-
lega, utan skóla og innan. Fundirnir hafa litið svo á,
að skólinn mætti ekki vera hlutlaus að því er snertir
framkomu barna og hugsunarhátt, sízt í þorpunum, þar
sem hlutleysi í þessum efnum væri í raun réttri sama Qg
að gefast upp fyrir götunni og sollinum. Hitt hefur
öllum verið ljóst, að til þess að eitthvað vinnist á í þessu,
þarf gott samstarf allra aðilja: skóla, heimila og fræðslu-