Menntamál - 01.04.1945, Blaðsíða 10

88
MENNTAMÁL
ungir sem gamlir. Samkomusalur skólans, sem rúmar
1400 í sæti, er jöfnum höndum notaður fyrir nemendur
og allan almenning. Einu sinni í mánuði eru þar haldnar
foreldrakvöldvökur, og er öllum heimill aðgangur. Kvöld-
vökur þessar eru hvorttveggja í senn fræðslu- og skemmti-
Benjamins Franklíns-skóli.
samkomur. Nemendur og kennarar skólans hafa með
höndum atriði kvöldvökunnar. Eru þau erindi, upplestur,
sjónleikir, hljómlist og söngur. Hér kemur að góðu haldi
málakunnátta skólastjórans, því að sumir áheyrenda skilja
illa ensku, eða alls ekki, og skýrir hann allt, sem fram
fer. Það vill svo vel til, að ég hef hér undir höndum atriða-
skrá einnar slíkrar kvöldvöku (fyrir 18. des. 1941). Hún
er á þessa leið: 1) Dr. Covello flytur ávarp. 2) Nemendur
og kennarar sýna þætti úr vinsælu leikriti. 3) Nemenda-
kór skólans og nemendahljómsveit flytja tónverk eftir
Hándel og Adam. 4) Almennur söngur með aðstoð kórsins
og hljómsveitarinnar. (Almennur söngur tíðkast mjög á
skemmtisamkomum vestra). Söngvarnir eru prentaðir í
atriðaskránni, og eru þeir á þrem málum.
Jafnframt þessum sölum skólans, sem nú hefur verið
sagt frá, eru þar ýmis herbergi, sem konur umhverfisins
hafa til afnota. Þar geta þær tekið þátt í saumum, prjóni,
vefnaði og annarri handavinnu. Eins er hið mikla eldhús
skólans opið fyrir konur umhverfisins, sem vilja kvnna
sér matartilbúning, sem þær hafa ekki áður kunnað. Veit-