Menntamál - 01.04.1945, Blaðsíða 34
112
MENNTAMÁL
tnál gjarnan fá fréttir af þessum sýningum eins og annarri skólastarf-
semi, því að oft getur þar vakizt athygli manna á einhverju, sem þeim
má að gagni verða.
Skólasýning Austurbæjarskólans í Reykjavík
var opnuð í skólanum laugardaginn 28. apríl s. 1. Sigurður Thor-
lacíus skólastjóri ávarpaði gesti og gat þess, að skólinn hefði nú starfað
í 15 ár. Um sýninguna sagði hann, að henni væri ætlað að geía fólki
kost á að fylgjast með árangri af starfi barnanna í skólanum. Að
lokinni ræðu skólastjóra var sýndur söngleikurinn Gleðilegt sumar
eftir Guðmund Guðmundsson. Einnig söng barnakór undir stjórn
Jóhanns söngkennara Tryggvasonar.
Sýningin kom tíðindamanni Menntamála þannig fyrir sjónir, að
hún gæfi góða hugmyncl um það, sem henni væri ætlað að sýna. Þar
mátti sjá handavinnu stúlkna og pilta og teikningar þeirra og vinnu-
bækur í skrift, stílum, reikningi, biblíusögum, íslandssögu o. fl. Einn
af sundkennurum skólans sýndi, hvernig byrjendum væri kennt sund.
Tveir fimleikakennarar létu börn sýna leikfimi, telpnaflokk og
drengjaflokk.
Á vegg einnar stofunnar hafði verið komið fyrir línuriti, er sýndi
framför 7 ára barna í lestri, en slík linurit geta gefið þeim, er til þekkja,
gleggri hugmynd urn framför og ástand í lestrarkunnáttu en unnt er
að gefa í fljótu bragði á annan veg.
Að síðustu var gestum boðið kaffi með kökum, og höfðu telpur rir
efstu bekkjum skólans búið hvort tveggja til.
Menntamál.
Nú verður lilé á útkomu Menntamála í sumar, en í haust munu þau
fara að koma út aftur. Þetta hefti er kallað apríl-hefti, þótt það komi
að vísu ekki út fyrr en í maí, til þess að enginn mánuður falli úr á
titilblaðinu jtangað til kemur að „sumarfríinu". 1944 komu út 5 liefti
á fyrri hluta ársins, en nú ekki nema 4, og voru jressi hefti í fyrra
samtals 128 bls., en heftin í ár eru 112 bls. En þess ber að gæta, að
miklu meira hefur verið prentað með smáletri í jtessum heftum en
gert var í fyrra (kennaraskráin), svo að munurinn á efnismagni verður
ekki svo ýkja mikill.
ÚTGEFANDI: SAMBAND ÍSLENZKRA BARNAKENNARA.
Útgáfustjórn: Ingimar Jóhannesson, Arngrímur Kristjánsson,
Ólafur Þ. Kristjánsson, ritstjóri.
Prentsmiðjan ODDI h.f.