Menntamál - 01.03.1947, Page 31

MENNTAMÁL
25
1907 og stundaði nám í dönskum lýðháskólum 1911—
1914.
Páll Bjarnason (1884—1938) var skólastjóri hér frá
1920 og til dauðadags, 5. des. 1938. Lauk kennaraprófi
1907, fór í námsferðir til Norðurlanda og Englands 1911,
1914, 1920 og 1929. Var um skeið kennari í Grímsnesi og
Sandvíkurhreppi og skólastjóri á Stokkseyri 8 ár. Fékkst
Páll allmikið við blaðamennsku og önnur ritstörf og
gegndi mörgum trúnaðarstörfum í Eyjum. Hann var tal-
inn snjall uppalandi og afburða kennari.
Núverandi skólastjóri (frá 1939) er Halldór Guðjóns-
son (f. 30. apríl 1895). Lauk hann kennaraprófi 1921 við
Kennaraskólann. Hefur Halldór farið þrjár námsferðir
til útlanda og einkum lagt stund á reiknings- og söng-
kennslu. Plefur verið kennari í Eyjum síðan 1921. Hann
hefur verið skólastjóri Iðnskólans síðan 1931. Halldór
hefur haft nokkur afskipti af opinberum málum, var t. d.
bæjarfulltrúi 1922—25. Bæjargjaldkeri var hann 1924—
1930 og hefur jafnan haft með höndum ýmiss konar trún-
aðarstörf fyrir bæjarfélagið.
Af kennurum, sem starfað hafa við skólann á síðustu
áratugum, sé ég ástæðu til að nefna Eirílc Hjálmarsson og
Agúst Árnason, sem báðir störfuðu hér marga áratugi,
Sigurbjörn Sveinsson rithöfund, Hallgrím Jónasson, Ársæl
Sigurðsson og séra Jes Á. Gíslason, sem einnig var um
nokkurt skeið formaður skólanefndar.
Núverandi formaður skólanefndar er Sigurður Gutt-
ormsson skrifstofustjóri í Útvegsbankanum, sem sýnt hef-
ur lofsverðan áhuga um að útvega skólanum ýmis nýstár-
leg kennslutæki.
Árni Guðmundsson.