Menntamál - 01.04.1957, Qupperneq 64

50
MENNTAMAL
þessu svæði á nokkra ringulreið. Sum flugfélög hættu með
öllu að láta vélar sínar koma við í Beirut, en önnur fækk-
uðu ferðum stórlega. Hins vegar flykktust útlendingar úr
nálægum löndum til borgarinnar á leið til Evrópu. Reynd-
ist ógerlegt að fá flugfar frá Beirut til Indlands eins og
sakir stóðu. Varð þessi töf til þess, að ég kom ekki fyrr
en að kvöldi 8. nóvember til Delhi.
Næsta morgun, 9. nóvember, fór ég síðan á ráðstefnuna,
sem hafði hafizt 5. nóvember, eins og fyrirhugað var, þótt
fjöldi fulltrúa væri þá ókominn vegna samgönguerfiðleika.
Hinn 18. s. m. hitti ég forstjóra UNESCO, dr. Luther
H. Evans, að máli. Lét hann í ljós ánægju yfir því, að
Island skyldi hafa sent áheyrnarfulltrúa á ráðstefnuna.
Kynnti hann mig fyrir aðstoðarforstjóra sínum, Mr. J.
Thomas, og átti ég síðar þenna sama dag tal við hann og
ungfrú L. McPhee, en hún fjallaði um mál ýmissa Evrópu-
landa í skrifstofu forstjórans. Veittu þau mér þá þegar og
einnig síðar ýmsar upplýsingar um stofnunina.
II.
UNESCO, sem er ein af sérstofnunum Sameinuðu þjóð-
anna, var komið á fót í lok síðari heimsstyrjaldarinnar.
Árið 1945 komu fulltrúar 43 þjóða saman í London og
gengu hinn 16. nóvember s. á. frá stofnskrá fyrir UN-
ESCO, sem síðan hefur nokkrum sinnum verið breytt.
Stofnunin tók til starfa 4. nóvember 1946, er tuttugu af
ríkjum þeim, er undirritað höfðu stofnskrána höfðu full-
nægt formsatriðum í sambandi við aðild sína. Á aðalráð-
stefnunni hér í Delhi hafa þrjú ríki gerzt þátttakendur,
— Marokkó, Túnis og Súdan, en skömmu fyrir ráðstefn-
una gerðist Finnland aðili. Eru aðildarríkin þá orðin 80.
Hins vegar mun Suður-Afríka ganga úr UNESCO um
næstu áramót.
Fer hér á eftir skrá um aðildarríkin og hvenær þau
gerðurst þátttakendur: