Vorið - 01.02.1974, Page 24

EFNI FRÁ LESENDUM
Snjóhúsið
Eftir Ásu Björk, 14 ára.
Það var fyrir mörgum árum, svo mörgum, að ég man rétt
óglöggt eftir þessu, sem ég ætla að segja frá hér á eftir: Það var
búið að snjóa í marga daga og engin von þó að það væri minnsta
kosti kominn metra þykkur snjór. En fyrir ofan húsið heima
var ein stór dæld, sem líktist katli í laginu, og raunar hét hún
Ketill. Þessi dæld var svo að segja orðin full. Ég man eftir því
að ég og þrjú af systkinum mínum ákváðum að fara þangað
og grafa snjóhús ofan í dældina. Ég hef líklega ekki verið nema
5 ára.
Á myndinni sjást Ása Björk og systkini hennar í snjóhúsinu.
24
vor|Ð