Bjarmi - 01.01.1972, Blaðsíða 20

VAXANDI VERKEFNI
í GAMU GGFA-HÉRAÐI
Awasa, 20.11. 1971.
Kæru vinir.
Okkur gafst gott tækifæri til
þess að senda ykkur kveðju,
þar sem við eigum frí þennan
mánuð. Við höfum ekki átt kost
á afleysara fyrr en á þessu ári.
Dr. Aarsland frá Irgalem leysir
mig af. Kom það sér vel, þar
sem ekkert annað sjúkrahús er
nú í Gamu Gofa-fylki en Gidole.
Sjúkrahúsinu í Chenca hefur
verið lokað. Ríkið byggir sjúkra-
hús í Arba Minch, en því er ekki
lokið. Arba Minch er höfuðstað-
ur fylkisins. Eins og þið vitið,
er norska kristniboðssambandið
að byggja stöð þar og iðnskóla.
Á þessu hausti tóku þeir á móti
fyrstu nemendunum í iðnskól-
ann. I skólanum eiga að verða
þrjár deildir, byggingar-,
sauma- og véltæknideild. Leggja
á áherzlu á landbúnaðarvélar.
Það er félagsskapur iðnskóla-
kennara í Noregi, sem ætlar að
kosta rekstur skólans. Norska
ríkið hefur gefið fé til bygging-
ar skólans. Per Helland kristni-
boði vann mikið verk við upp-
byggingu staðarins. Hann lézt
á þessu ári af hjartasjúkdómi,
og er gröf hans skammt frá, þar
sem kirkjan á að rísa. Næsti ná-
granni við kristniboðsstöðina er
sjúkrahúsið. Vinna við það
gengur fremur hægt vegna fjár-
skorts, er sagt. Ég heyrði keis-
arann segja í ræðu, sem hann
hélt á krýningarafmælinu, að
Arba Minch sjúkrahús ætti að
taka til starfa á þessu ári. Yfir-
völdin hafa farið þess á leit við
kristniboðið, að það reki sjúkra-
húsið. Við höfum afhent tillög-
ur okkar, en samningar hafa
ekki verið gerðir ennþá.
Annar atburður, sem sýnir
velvilja yfirvaldanna í Gamu
Gofa, gerðist í s.l. viku. Þá kom
fræðslustjórinn að máli við
Lindtjöi’n, formann okkar, þess
erindis að biðja um, að starf
yrði hafið í vesturhluta fylkis-
ins á meðal hirðingjaþjóðflokks,
sem hann lýsti sem mjög frum-
stæðum. Allar tilraunir yfir-
valdanna til þess að hafa áhrif
á hann, hefðu mistekizt. Meðal
annars hefðu þeir reynt með
valdi að skipa þeim að senda
börn í skóla. Ekki tókst þá bet-
ur til en að börnin voru skilin
eftir í forsjá skólans, en hirð-
ingjarnir hurfu á brott til sinna
starfa.
Okkar starf í Gamu Gofa er
nú rúmlega 20 ára gamalt. í Gi-
dole var fyrst byrjað og síðan
í Konsó. Arba Minch er þriðja
stöðin. Innan skamms munu
danskir kristniboðsvinir byrja
starf í Gressí. I Gressí er stór
hópur kristinna manna, sem
hefur heyrt undir Gidole. Starf-
ið í Gidole er orðið umfangs-
mikið. Við fögnum því, að Dan-
ir taka Gressí-svæðið. Þegar
starfið vex of ört, vofir sú hætta
yfir, að hinir ungu söfnuðir fái
ekki þá tilsögn, sem þeir þurfa.
Að fræða þetta fólk er mikið og
vandasamt starf. Hvernig eiga
þeir að varðveitast i sinni ungu
trú, ef þeir hvorki kunna að lesa
Guðs orð né vita skil á grund-
vallaratriðum kristinnar trúar?
I Konsó hefur vöxtur starfsins
orðið með heilbrigðum hætti.
Mikið lán er að hafa fengið góða
samstarfsmenn. Prestarnir þrír
eru öðrum til fyrirmyndar. Það
er festa yfir safnaðarstarfinu í
Konsó.
Ekki er starfið erfiðleika-
laust. Gísli mun sennilega skrifa
um hörð átök, sem söfnuðurinn
hefur orðið að ganga í gegnum.
Átökin voru vegna gamalla,
heiðinna siðvenja Konsó-þjóð-
flokksins, sem á engan hátt voru
samrýmanlegar kristinni lífs-
skoðun.
Þótt við getum þakkað Guði
fyrir mikinn og góðan árangur,
megum við ekki gleyma því, að
við erum rétt að byrja starf
okkar á meðal Konsóþjóðflokks-
ins. Söfnuðirnir, prestarnir og
aðrir starfsmenn safnaðanna
eru mjög vakandi fyrir skyld-
um sínum gagnvart því að boða
heiðingjunum Guðs orð. Stöð-
ugt er farið til nýrra staða.
Námskeið af ýmsu tagi eru hald-
in í þorpunum. Lestur er kennd-
ur, trúnemum er kennt og sums
staðar er reglulegur skóli, sem
kennir öll fög fyrstu bekkja
barnaskóians. Verklegum fram-
kvæmdum á stöðinni í Konsó er
heldur ekki lokið. Kirkja hefur
enn ekki verið byggð. Nokkurt
fé er fyrir hendi, en ekki nóg.
Ráðgert er að byggja kirkjuna
og biblíuskólann í einni heild.
Fást þá minni salarkynni, sem
hægt er að bæta við, þegar
halda á stórar samkomur.
Loks viljum við þakka öllum
kristniboðsvinum heima, sem
margir fóma miklu til starfsins
og biðja reglulega fyrir því, og
sendum við kveðjur okkar með
orðum Páls postula í I. Þess. 5,
23—24: ,,En sjálfur friðarins
Guð helgi yður algjörlega, og
gjörvallur andi yðar, sál og lík-
ami varðveitist ólastanlega við
komu Drottins vors Jesú Krists.
Trúr er sá, er yður kallar, og
hann mun og koma þessu til
leiðar.“
Ykkar einlæg
Áslaug og
Jóhannes Ólafsson.
r-------------------------------
Sainbnml íslcnzkra
kristnibndsfclaga
Skrifstofa:
Amtmannsstíg 2B - Reykjavík
Simar 17536 og 13437
Pósthólf 651
Bréf og gjafir
til starfs sambandsins
sendist til skrifstofunnar
20 R4AUHI