Bjarmi - 01.04.1995, Blaðsíða 24

AFVETTVANGI
Helgina 10.-12. mars sl. stóðu KFUM og KFUK t'yrir unglingadeildamóti í Vatnaskógi. Fjöldi
þátttakenda var á limmta tug auk margra leiðtoga. Var það mál manna að þetta hafi verið mjög
góður og skemmtilegur hópur og mótið hafi í alla staði heppnast sérstaklega vel.
Þarna voru unglingar, fiestir á aldrinum 13-16 ára, frá Reykjavík, Keflavík, Akranesi, Ólafsvík og
fjölmennasti hópurinn var frá öflugri unglingadeild félaganna í Vestmannaeyjum.
Bæði kvöldin voru kvöldvökur þar sem unglingarnir lögðu sjálfir til skemmtiatriði, mikið var
sungið og endað með hugleiðingu. Auk þess voru samverustundir fyrir hádegi á laugardag og eftir
hádegi á sunnudag og seinni partinn á laugardag voru unnin mjög skemmtileg hópverkefni. Allir
hóparnir unnu út frá einhverjum texta í Biblíunni sem segir frá því hvernig Jesús mætir fólki. Hægt
var að velja niilli leikhóps, sönghóps, kvikmyndageröarhóps, blaðamannahóps, myndlistarhóps og
baksturshóps.
Mikið fannfergi í Vatnaskógi átti stóran þátt í að gera mótið skemmtilegt og eftirminnilegt. Skaflar
náðu upp á þak á öllum húsunum á staðnum og þurfti t.d. að ganga í gegnum alllöng snjógöng til að
kornast inn í matskálann. Frjálsa tímann á mótinu notuðu menn aðallega til að leika sér í snjónum en
einnig var spriklað í íþróttahúsinu.
Skömmu eftir mótið hitti Bjarmi fyrir þrjá drengi úr unglingadcildinni í Maríubakka í Reykjavík,
j)á Sturlu, Ola og Davíð, og spurði þá nokkurra spurninga.
Hvernig var ú mótinu?
Mjög gaman.
Hvað var skemmtilegast?
Körfuboltinn í íþróttahúsinu og að syngja í sturtunni.
En livað var leiðinlegast?
Fara heim.
Hvernig voru hinir krakkarnir?
Fínir.
Hvernig var maturinn?
Upp og oían.
Hvernig varsnjórinn?
Harður! Hann var meiriháttar.
Eittlivað að lokum?
Bara halda annað svona mót á næstunni. Þess vegna bara um næstu helgi!
Það er mikið framundan í unglingastarfi KFUM og KFUK og ber þar einna hæst norrænt unglinga-
mót í Danmörku í sumar en á það stefna 60-70 unglingar héðan að fara.