Bjarmi - 01.11.1995, Blaðsíða 3
Ný þungamiðja
Það er líklega ekki í tísku að tala um köllun. Líklegra að það falli betur í kramið að
tala um að koma sér áfram og berjast fyrir rétti sínum. Við erum oft svo upptekin
af okkur sjálfum og því sem okkar er að það stýrir gjörðum okkar og verður
jafnvel meginmarkmið í lífinu. Vilji hins vegar einhver tala um köllun þá er sennilegt
að fólk geri sér ólíkar hugmyndir um hvað köllun er. Er það eitt köllun að fórna sér
algjörlega fyrir hugsjón sína eða það að ferðast til framandi landa sem kristniboði?
Gæti verið að það sé líka köllun að sinna daglegu starfi sínu og verkefnum af
trúmennsku og heiðarleika?
Pegar Jesús kallaði fólk kallaði hann það bæði til eftirfylgdar og starfa. „Komið og
fylgið mér, og mun ég láta yður menn veiða“ (Mark. 1:17). Auðvitað ætlar Guð okkur
mismunandi hlutverk í lífinu. Störf og hlutskipti manna eru ólík. Flest vinnum við það
sem við myndum líklega kalla „verald-
Staldrað
við
leg“ störf en nokkrir eru þó kallaðir til
„sérstakra“ starfa í Guðs ríki, t.d. sem
prestar eða kristniboðar. Það á hins
vegar ekki að fela í sér aðgreiningu í þá
veru að sumir hafi hlotið köllun en aðrir
séu bara að vinna venjuleg störf. Þegar við hlýðum kalli Jesú Krists til eftirfylgdar og
tilheyrum honum er líf okkar allt orðið að köllun. Hver sem við erum, hvaða starf sem
við höfum, hvort sem við vinnum heima eða úti, þá erum við kölluð til að þjóna Guði
og náunganum. Eftirfylgdin við Krist snýst um það. Marteinn Lúther talar um að kall
Guðs komi til sérhvers manns við dagleg störf hans. Guð er að starfi í veröldinni og
þess vegna kallar hann menn til starfa, hvern í sinni stöðu. Lúther segir: „Ef sérhver
maður þjónaði náunga sínum væri heimurinn fullur af guðsþjónustu.“ Ef til vill má
orða það svo að þegar við fylgjum Kristi hættum við sjálf að vera þungamiðja lífs
okkar sem allt snýst um. í staðinn verður Guð miðdepillinn. Við hættum
að dýrka okkur sjálf og förum í staðinn að þjóna Guði og náunga okkar
í daglegu lífi okkar.
Guð heldur áfram að kalla fólk til ákveðinna þjónustustarfa í ríki sínu.
Sumir eru kallaðir til að vera prestar, aðrir kristniboðar, enn aðrir
leiðtogar í kristilegu æskulýðsstarfi o.s.frv. Og svo er fólk kallað til að
þjóna Guði í fjölbreytilegum störfum atvinnu- og heimilislífs. Málið
snýst ekki um hvers eðlis köllun okkar er því hún er í
raun alltaf sama eðlis. Hún er frá Guði og til þjónustu
við hann. Spurningin er hvort við hlýðum kölluninni,
hvort eftirfylgdin við Jesú sé raunveruleg eftirfylgd þar
sent við göngum í hans fótspor, ávinnum fólk fyrir Guðs
ríki og sinnum þörfurn náungans, hvert á sínum stað. Það
þýðir að við verðum að afneita sjálfum okkur. „Hver sem
vill fylgja mér, afneiti sjálfum sér, taki kross sinn og
fylgi mér,“ segir Jesús (Mark. 8:34). Hvað merkir það? Það þýðir ekki
að við eigum að fyrirlíta okkur sjálf eða gera lítið úr okkur sjálfum. Það
merkir að líf okkar hefur eignast nýja þungamiðju. I stað sjálfselsku og
eigingirni á kærleikur, fórnfýsi og umhyggja Jesú að einkenna líf okkar.
I stað þess að snúast eingöngu í kringum okkur sjálf þjónum við Guði
og náunga okkar. Erum við tilbúin til þess?
I Kristilegt tímarit
Útgefendur: Kristilega skólahreyfingin,
Landssamband KFUM og KFUK og
Samband íslenskra kristniboðsfélaga.
Ritstjóri: Gunnar J. Gunnarsson.
Ritnefnd: Anna Magnúsdóttir, Benedikt
Arnkelsson og Gunnar H. Ingimundarson.
Afgreiðsla: Aðalskrifstofan, Holtavegi 28,
pósthólf 4060,124 Reykjavík,
sími 588 8899, bréfsími 588 8840.
Árgjald: Kr. 2.500,- innanlands,
kr. 3.000,- til útlanda. Gjalddagi 1. mars.
Verð í lausasölu kr. 500,-
Útlitshönnun og aðstoð við útgáfu:
SALT hf - Tómas Torfason.
Ljósmyndir: Magnús Fjalar
Guðmundsson o.fl.
Prentun: Borgarprent.
Efni:
Staldrað við:
Ný þungamiðja.......................... 3
Hilmar Baldursson:
KöllunGuðs............................. 4
Halla Jónsdóttir:
Fyrirbæn...............................10
Um víða veröld:
Kristnir og múslímar saman.............12
Viðtal:
Formenn KFUM og KFUK ..................14
Viðtal:
Farðu og talaðu!.......................22
Kristniboð:
Þrir söfnuðir við kristniboðsstöðina..25
Aí vettvangi:
SÍK tekur þátt í útvarpsboðun til Kína.... 26
Helga St. Hróbjartsdóttir:
Guð hjálpi okkurtil þess...............28
Jóhannes Ingibjartsson:
Samfélag trúaðra.......................30
3