Bjarmi - 01.11.1995, Blaðsíða 28
AFVETTVANGI
Helga St. Hróbjartsdóttir
„Guð hjálpí okkur
tíl þess að taka ákvarðanir
sem endurnýja
hreyfingu okkar“
Kvebja frá heimsþingi KFUK í Seoul í Suöur-Kóreu
Síðastliðið sumar stóð ég meðal þúsund annarra kvenna í Seoul
Cultural Center í Suður-Kóreu á heimsþingi KFUK. Þar var ég
fulltrúi KFUK á íslandi í hópi kvenna frá u.þ.b. 100 löndum. í
anddyrinu fór skráning fram. Asía, Afríka, Ástralía, Ameríka, Evrópa
- já, þar var litla Iandið mitt og nöfnin okkar Málfríðar Finnbogadóttur.
Ég gekk í hátíðarsalinn. Fundarhöldin byrjuðu
með hátíðarbrag. Fundarkonur voru fagurlega
klæddar þjóðbúningum og hátíðarklæðum. Andlitin
ljómuðu, gul og skáeygð, en þó ólík, svört og hvít
og í ótal brúnum litbrigðum. Alls kyns fólk -
kynkvíslir, lýðir og tungur - KFUK-konur frá
ýmsum þjóðlöndum. Löndum sem kristniboðar
Vesturlanda hafa farið til síðustu eina og hálfa
öldina með fagnaðarboðskapinn um Drottin Jesú
Krist og frá Vesturlöndum og Austurlöndum nær.
Konur sem starfa meðal sinnar eigin þjóðar í trú á
Jesú Krist og ganga fram í verki og trú, vinna mann-
úðar- og kærleiksverk eftir ýmsum félagslegum
leiðum.
„Þannig lýsi ljós yðar meðal mannanna, að þeir
sjái góð verk yðar og vegsami föður yðar, sem er á
himnum." Þessi orð Jesú hljómuðu með mér þegar
ég hlustaði á konurnar á heimsþinginu. Þær kynna
sjálfar sig og segja: „Við erum kristinn félagssakpur,
opinn öðrum, en við störfum á okkar forsendum,
þ.e. kristnum trúargrunni. í trúnni á Guð setjum við
okkur við hlið hvers barns sem er hungrað, hverrar
konu eða manns sem lifir í fátækt, hverrar fjölskyldu
sem lifir án vonar og án möguleika til þess að lifa í
fullri mannvirðingu. A þessum grundvelli setjum
við okkur í andstöðu við allt og alla í heiminum sem
varnar barni þess að fá fæðu og húsaskjól, varnar
fólki vinnu, menntunar og heilsuverndar. Þar sem
við fullyrðum þetta á grundvelli trúarjátningar okkar
tökum við okkur stöðu sem við erum ekki vanar að
vera í. Það er að vera með eða nálægt hinum fátæka,
blinda, þeim sem er í fangelsi, þeim sem er þjáður.
Það er að standa upp úr sæti forréttindahópsins og
taka stöðuna nær Drottni sem dó undir valdi
heimsdrottnanna, hrakinn og hrjáður. Guð hjálpi
okkur til þess að taka ákvarðanir sem endurnýja
hreyfingu okkar og gera hana að hreyfingu í
heiminum í dag og á morgun.“ Hér hef ég vitnað til
orða Ruth Sovik, fyrrverandi framkvæmdastjóra
Heimssambands KFUK.
Á þessu þingi var fullyrt að hið nýja afl í heirn-
inum í dag væri rödd kvenna. Því til staðfestingar
var haldið þriggja daga málþing kvenna undir
forystu Heimssambands KFUK, dagana 3.-7. júlí,
um heimsmálin:
28