Bjarmi - 01.11.1995, Blaðsíða 4
AÐALGREIN
Hilmar Baldursson
Guð kallar! Guð talar! Þegar við virðum fyrir okkur þessar
staðhæfingar vakna stórar spurningar. Hvernig kallar Guð?
Og önnur spurning sem er mikilvæg fyrir mig: Hvernig veit
ég að hann kallar á mig? Hvers vegna kallar hann og hvernig? Hvað er
það sem ég er kallaður til? Þetta eru nokkrar af þeim spurningum sem
koma upp í hugann þegar við veltum fyrir okkur köllun Guðs.
Hvernig vitum vib ab Gub
kallar?
Hvemig vitum við að Guð talar, kallar? í upphafi
Hebreabréfsins ritar höfundur að Guð hafi oftsinnis
talað til mannkynsins í orðum spámannanna en nú
hafi hann talað til okkar í syni sínum. Guð hefur
komið til mannsins í syni sínum. En til hvers kom
hann? Hann kom til þess að frelsa okkur og kalla
okkur heilagri köllun, ekki eftir verkum okkar,
heldur eftir eigin ákvörðun og náð, sem okkur er
gefin fyrir Krist Jesú, svo ég noti orð Páls postula í
síðara Tímóteusarbréfi (1:9).
Með öðrum orðum: Guð kemur til okkar í hinum
stóra, óskiljanlega kærleika Jesú. Hann kemur til
syndugs manns og segir: Ég, sjálfur skaparinn, stend
þér við hlið. Ég vil reisa þig við, endurskapa líf þitt,
veita þér nýja lífssýn, gefa þér nýtt, innihaldsríkt líf.
Þetta er hinn mikli, óskiljanlegi kærleikur Guðs.
Jesús segir: „Ég er ekki kominn til að kalla réttláta,
Hilmar Baldursson
er guðfræðingur og
kerfisfræðingur,
búsettur í Gautaborg
í Svíþjóð.
heldur syndara“ (Matt. 9:13). Þrátt fyrir að við menn
séum eins og við erum - með flekkaðar hugsanir og
gjörðir, skrikkjótt lífshlaup - þá stendur Guð við
hlið okkar og segir: Ég elska þig. Ég kalla á þig og
vil tala við þig. Ég vil eiga samfélag við þig. Eða
eins og Páll postuli skrifar í fyrra bréfi sínu til
Korintumanna (1:9): „Trúr er Guð, sem yður hefur
kallað til samfélags sonar síns Jesú Krists, Drottins
vors.“ Guð vill eiga samvist, samveru með okkur.
Hann vill lifa með okkur í gleði og sorg.
Hvernig kallar Gub?
1 Nýja testamentinu sjáum við Jesú þegar hann
kallar lærisveina sína. Frásögnin er einföld, engin
stór „dramatík". Þegar Jesús gengur framhjá
tollbúðinni sér hann Matteus. Hann segir við hann:
„Fylg þú mér!“ Stutt og einföld orð. Sá sem var
ávarpaður stóð upp og fylgdi honum. Þannig getur
það verið. Guð talar í einfaldleikanum.
Margir hafa sagt frá því að Guð talaði til þeirra í
kirkjubekk eða á samkomu þar sem orð Guðs var
haft um hönd. Aðrir tala um aðstæður í lífinu þar
sem Guð talaði. Þessar aðstæður hafa orðið að kalli
frá Guði til eftirfylgdar. Einnig höfum við dæmi um
að Guð talar til manna á mjög svo kröftugan hátl.
Við lesum í Postulasögunni um Pál postula, þann
mann sem hataði Krist og kristna menn og
gerði allt þess að útrýma þeim. Guð varð að
4