Bjarmi - 01.10.1998, Blaðsíða 11

Graham eða ekki (ég var meðmæltur
því, hann á móti). Hann sá ýmsa trú-
fræðilega þætti standa í vegi fyrir því að
hann gæti lagt blessun sína yfir starf
Graham. „Trúir þú því að Biblían sé
óskeikult Guð orð?“ spurði ég. Hann
játti því svo ég hélt áfram: „Ert þú
óskeikull í túlkun þinni á því?“ Mér að
óvörum taldi hann svo vera! Mér varð
nokkuð orðvant í rökræðunum við
þennan sjálfskipaða páfa en spurði
þessu næst: „Trúir þú því að Guð sé
fullkominn?“ Já, það gerði hann. „Gott,
það geri ég líka,“ sagði ég og renndi mér
þegar í næstu spurningu: „Hefur þú
fullkominn skilning á hinu fullkomna?“
„Auðvitað," svaraði hann snúðugt. Ég
hafði rangt fyrir mér. Hér var annað og
miklu meira á ferðinni en sjálfskipaður
páfi. Þessi maður hélt hann væri Guð.
Það eina sem mér datt í hug að segja á
þessari stundu var: „Jæja, fáum okkur
eitthvað í svanginn." Hvað annað getur
maður sagt við þann sem á óskeikulan
skilning á hinu óskeikula og fullkominn
skilning á hinu fullkomna? Ég hefði
getað bætt við: „Hefur þú algjöran skiln-
ing á hinu algjöra?" en að sjálfsögðu
hefði svarið verið á sama veg.
Aðalatriðið er það sem Biblían segir:
„Nú sjáum vér svo sem í skuggsjá, í ráð-
gátu, en þá munum vér sjá augliti til
auglitis, (1. Kor. 13.12). Með öðrum orð-
um, sannleikurinn er algjör en hæfileik-
ar okkar til að skilja sannleikann eru
ekki algjörir. Aðeins Guð skilur sann-
leikann algjörlega. Kristur er sannleik-
urinn, hinn algjöri sannleikur Guðs
(Jóh. 14.6). En við getum ekki notað
stærðfræðiformúlur til að sanna þann
sannleika.
Biblían er sönn, algjörlega sönn.
Jesús segir það (Matt. 5.17-18, Jóh.
10.35, 17.17). Sannanirnar sem við
höfum fyrir því að þessi orð séu sönn
eru hins vegar ekki fullkomnar. Við
höfum góðar ástæður til að trúa því að
kristindómurinn sé sannur, eins og
Biblían segir okkur að trúa: „En helgið
Krist sem Drottin í hjörtum yðar. Verið
ætíð reiðubúnir að svara hverjum þeim
manni er krefst raka hjá yður fyrir von-
inni sem í yður er“ (1. Pét. 3.15), en
munum að gera það alltaf af hógværð
og virðingu.