Æskan - 01.09.1969, Blaðsíða 34

Hvað viltu verða?
Flugið er að verða svo snar þáttur í sam-
göngum hér á landi, að fjöldi manns starf-
ar við það. Mætti nefna flugmenn, flug-
freyjur, vélamenn, loftskeytamenn, hlað-
freyjur, loftsiglingafræðinga, flugumferðar-
stjóra, skrifstofufólk og verkamenn. — Öll
störf í sambandi við flug krefjast þess, að
vel þjálfaðir og samvizkusamir starfsmenn
séu þar að verki. Einkum eru gerðar
strangar kröfur til þess starfsliðs, er vinn-
ur 'nnanborðs í flugvélunum. — Skulum við
í þessum þætti ræða um einn þátf þessara
starfa — flugfreyjustarfið. Nokkur bréf
hafa borizt með fyrirspurnum um störf og
undirbúningsmenntun þeirra stúlkna, sem
gerast vilja flugfreyjur.
Margir af ykkur lesendum Æskunnar,
líklega flestir, hafa einhvern tíma flogið
með flugvélum Flugfélags Islands eða Loft-
leiða og munið þá e.t.v. eftir því, að þegar
þið komuð að landgöngubrúnni, sem liggur
inn í vélina, stóð þar stúlka í einkennis-
búningi og tók við farmiðakortinu ykkar.
Þetta er flugfreyjan, sá starfsmaður flug-
vélarinnar, sem á að sjá um að hlynna að
farþegum og láta þeim líða sem bezt í flug-
vélinni, meðan á ferðinni stendur. Þegar
hún hefur vísað hverjum og einum til sætis
síns og vélin er búin að taka sig á loft,
talar hún ( hátalara til farþega og segir hve
langan tíma ferðin tekur, hve hátt er flogið
og ýmsar aðrar upplýsingar. Að síðustu:
„Spennið beltin, reykingar bannaðar með-
an á flugtaki stendur." — Seinna ber flug-
freyjan fram mat eða aðra hressingu handa
farþegum meðan á íerðinni stendur. Flún
lánar þeim dagblöð að lesa og hlúir að
þeim, sem e. t. v. eru ,,loftveikir“ eða sjúkir
á annan hátt. Hún leiðbeinir einnig farþeg-
um við alls konár skýrslugerðir, ef um flug
til útlanda er að ræða og aðstoðar við brott-
íör úr vélinni.
Hvaða kostum þarf góð flugfreyja að
vera búin? Hún þarf að vera vel hraust,
bæði andlega og líkamlega og um aldurinn
er það að segja, að yfirleitt er krafizt þess
hjá flugfélögunum, að stúlkurnar séu á
aldrinum 20—26 ára. Flugfreyja þarf að
kunna a.m.k. eitt Norðurlandamálið vel, auk
íslenzkunnar og einnig vera góð í enskri
tungu. Gott er það auðvitað, að geta bjarg-
að sér í fleiri málum, t.d. þýzku eða
frönsku. Hún þarf að hafa góða skapgerð
og vera hlýleg, en þó ákveðin í framkomu.
Úrræðagóð þarf hún að vera og framkoma
hennar öll þarf að vera fáguð og háttvís.
Hún þarf að kunna dálítið fyrir sér í fram-
reiðslu, hjálp í viðlögum og jafnvel fæð-
ingarhjálp, því að allt getur skeð í flugvél-
um á flugi, jafnvel það, að barn fæðist í
þennan heim.
Flugfélag (slands og Loftleiðir halda
annað slagið 6 vikna námskeið fyrir væntan-
legar flugfreyjur, þar sem kennt er m. a.
vélkynning, snyrting, hjálp í viðlögum,
landafræði, framreiðsia, fæðingarhjálp,
saga flugfélaganna o.fl. Undirbúnings-
menntun er a.m.k. gagnfræðapróf eða hlið-
stæð menntun. Starfið mun vera allvel
launað, en um krónutölu launa veit þáttur-
inn ekki. — Flugfreyjur hætta oft snemma
í þessu starfi, eða um þrítugsaldur.
390