Æskan - 01.02.1978, Blaðsíða 28
5. Eftir hálfan tíma eða svo gall há hringing við og
Bjössi hoppaði hálfsofandi fram úr rúminu til þess
að stansa þessa klukku númer 2, sem hafði svo hátt,
að allt lék á reiðiskjálfi í herberginu. „Skyldi Þrándur
hafa fiktað eitthvað í þeim?" hugsaði Bjössi.
6. Hann gætti nú að því, að sú þriðja væri stillt á
hringingu klukkan sjö, og síðan lagði hann sig til
svefns að nýju, en nú vildi svefninn ekki koma.
„Kannski er best að ég fari bara að klæða mig og
borða morgunmat," hugsaði Bjössi.
7. „Hvað er þetta?“ spurði móðir hans. „Ertu
kominn með „ferða-stress",, klukkan er bara
hálf-sex!" „Já, ég gat ekki sofið og svo er ég svo
svangur," svaraði Bjössi. — Hann tók hraustlega til
matar síns.
8. Björg kom nú á fætur líka og sagði hlæjandi við
Bjössa: „Ekki hélt ég að þú værir svona mikill
morgunhani." „Jú,“ sagði Bjössi. „Sjáðu til.
Morgunstund gefur gull í mund, og gull er fínt, skal
ég segja þér."
HjL BJÓSSI BOLLA ER KOMINN AFTUR
■■■I