Æskan - 01.05.1988, Síða 45

Nýir skátar ganga í gegn um
reynslutíma sem kallaður er
nýliðatími. Þá fá þeir að kynnast
grundvallarþáttum skátastarfs. Þeir
fá að heyra um uppruna starfsins,
læra skátalögin, heiti og kjörorð
skáta og vita til hvers þau eru höfð.
Reynslutími skátans getur verið
einn til þrír mánuðir og á þeim tíma
þarf hann að taka þátt í einni ferð
og einum sveitarfundi. Oftast er það
sveitarforinginn sem stjórnar
nýliðatímanum og þannig kynnist
hann vel öllum nýliðum. Nýliðinn
getur starfað með sínum skátaflokki
þó að hann sé á nýliðaskeiði. Þessu
tímabili þarf að Ijúka með
einhverjum minnisstæðum viðburði
fyrir skátann, t.d. vígslu þar sem
hann vinnur eða endurnýjar
skátaheitið og er formlega tekinn
inn í sveitina.
Vígsla nýliða inn í
skátahreyfinguna er hátíðleg athöfn.
Skátar alls staðar í heiminum eru
vígðir eftir að þeir hafa verið nýliðar
og lært um grundvallaratriði
skátastarfs. Hér á íslandi er mjög
algengt að skátar séu vígðir 22.
febrúar sem er fæðingardagur Baden
Powells stofnanda
skátahreyfingarinnar. Vígsla fer
fram innan skátasveitar, deildar eða
félags. Allt fer það eftir siðum hvers
félags hvar og hvenær vígslan fer
fram en dæmi eru um það að
vígslan fari fram úti, í fallegu
umhverfi, í helli, á fjalli, í útilegu,
í skátaheimilinu eða í kirkju.
Vígsluathöfnin er í flestum
tilfellum eins. Nýliðarnir eru
kallaðir upp einn til fjórir saman.
Þeir eru látnir snerta íslenska
fánann, setja upp svokallaða
hálfkveðju skáta og fara með
skátaheitið. Það að snerta íslenska
fánann er vottur um virðingu og að
skátinn sé tilbúinn til að gera
skyldu sína við ættjörðina. Þegar
skátar fara með skátaheitið setja þeir
alltaf upp hálfkveðju en að
athöfninni lokinni heilsa þeir
foringjanum með heilkveðju. Að
síðustu ávarpar foringinn skátana og
óskar þeim til hamingju með
áfangann.
45
Eldamennsku er alltaf gott að
kunna. . .
^ldhússtörf á nýliðatíma.
Skátaþáttur
UmsjóK Stefán
Nývígðir skátar I Grafarvogi.
Nýliðar læra að draga fána að húni
- og að sýna honum ávallt virðingu.