Heimir - 01.09.1908, Side 20

68
HEI MIR
Það er því með ánægju og þakklæti að Heimir minnist hans
að hann var einn meðal margra vorra gömlu landnámsmanna
hér, er vildi að hlutskifti niðjans, hér í þessu nýja landi, mætti
verða andlegt frelsi og sjálfstæði, engu síður en veraldlegt.
Trúna á mátt og megin mannanna áleit hann holiari og meir
til giftu en trúna á ómátt og ómegin.
Að mörgu leyti var Guttormur éinkennilegastur og íslenzk-
astur manna. Hann var bóndi í sjón og raun, eins og þeir
gjörðust í fornri ííð, heimilis margur og engra manna malar-
þurfi. Oft var hann fár í viömóti við fyrstu kynningu, lágtal-
aður en fastmæltur, og þó undirniðri glettinn og gamansamur.
Hann var rauður á hár og skegg, meir en meðalmaður að vexti,
þrekinn vel en lítið eitt lotinn í herðum, bláeygður og brýndur
vel, upplitsdjarfur og svipprúður, ekki ör til svars en orðsæll.
I fáum orðum verður Guttormi Sigurðssyni ekki lýst. Hann
var alla daga vinsæll maður, fastur í lund, karlmenni og mann-
skapsmaður, og þó átti hann ekki lund með öllum. Hann var
skoðanafrjáls, djarfur og hreinlyndur, vinur vina og fyrirmenni,
mátti þar ætíð marin sjá þar sem hann var. Meðan heilsa hans
leyfði, tók hann þátt í byggðamálum, og var hann þar jafnan
hreinn og heill, en fast sótti hann það, sem hugúr hans bauð
honum og heyktist ekki við, þó einhverjir væri móti.
Dagsverk hans verður ekki talið hér, en skarð er höggvið í
landnámsmannaihóp vorn við burtför hans, og það mikiö.
Hann eftirlætur 6 börn, 2 dætur, báðar giftar, og býr önn-
ur heima á Islandi, en hin (borbjörg) vestur við haf. Synir
hans (4) Hallgrímur, Sigurður, þórarjnn og Jón, búa vestur í
Foam Lake.
Hans er sárt saknað af vinum og vandamönnum, því
við burtför hans er brottkallaður góður drengur og sannur ís-
lendingur.