Iðunn : nýr flokkur - 01.01.1926, Side 64

58
Asgeir Magnússon:
IÐUNN
til skautanna mæta auganu færri og færri stjörnur. Þar
er styst út í myrkan og auðan himingeiminn. Eitthvað
dularfult hvílir þó enn, að áliti stjarnfræðinga, yfir ljós-
bjarma Vetrarbrautar. Bíður það úrlausnar komandi kyn-
slóða.
Af lögmálum Seeligers ásamt öllum gögnum sem að
þeim lúta, þykir nú fullsannað.
Að allar stjörnur og einnig vor sól innifelist í einu
rnjög stóru stjörnuveldi, sem er takmarkað og endan-
legt á alla vegu. Þetta er [/etrarbrautin. Innan hennar
skiftir tala stjarna ef til vill þúsundum mi/jóna, en er
einnig takmörkuð. Utan Vetrarbrautar er auður geimur
og stjörnu/aus.
Stjörnustraumar Vetrarbrautar. Fram til síðustu
aldamóta álitu menn að stjörnurnar rynnu sitt á hvað, í
allar áttir í rúminu, án hins minsta skipulags.
Árið 1914 birti hollenskur stjarnfræðingur, sem Kap-
teyn heitir, ályktanir mikilla rannsókna. Leiddu þær í ljós
að stjörnurnar falla um rúmið í 2 aðal-straumum. Straum-
arnir renna samhliða miðbaugsfleti Vetrarbrautar, en falla
í gagnstæðar áttir. Stuttu síðar komst Eddington að
sömu niðurstöðu án þess að vita hvað hinum leið og
síðan ýmsir aðrir.
Straumar þessir nefnast oftast 1. og 2. straumur.
Mikla athygli hafa straumar þessir vakið og veitist
mönnum örðugt að rekja orsakir þeirra.
Stefnur straumanna. Aukastraumar. Fyrsti
straumur stefnir á Vetrarbraut nálægt Hundastjörnu.
Annar straumur stefnir lágt á suðurhimin.,
Fyrsta straum fylgja 3 stjörnur á móti hverjum 2
stjörnum í öðrum straum. Stjörnur 1. straums hafa einnig
meiri hraða en stjörnur 2. straums.