Kirkjuritið - 01.09.1951, Qupperneq 82

248
KIRKJURITIÐ
orð flutt í ábyrgri kirkju. Þingið mun verða sótt af lúth-
erskum mönnum víðsvegar að úr heiminum og eru marg-
ar kirkjur þegar farnar að undirbúa þátttöku sína.
Þingið verður sett í hinni svokölluðu Torg-kirkju í Han-
nover, sem er elzta lútherska kirkja borgarinnar. Á stríðs-
árunum varð hún fyrir skemmdum, en hefir nú verið end-
urbyggð og verður vígð við þetta tækifæri.
1 sambandi við þingið verður sérstakt æskulýðsmót og
mót fyrir konur, sem vinna að kirkjumálum. Þá hefir ver-
ið gerð kvikmynd um ævi og starf Marteins Lúthers, er
sýnd verður á mótinu, og kirkjulegar sýningar verða
haldnar í sambandi við það.
Ekki er að efa, að kirkjuþing þetta verður hið merki-
legasta, og væri mjög æskilegt, að íslenzka kirkjan ætti
þar bæði fulltrúa og þátttakendur. Biskupsskrifstofan mun
án efa geta gefið allar nauðsynlegar upplýsingar um
þingið.
Ó. J. Þ.
Erlendar fréttir.
Kirkjuþing í Lundi 1952.
Hin merka kirkjuhreyfing „Faith and Order“, eða trú og
kirkjuskipun, heldur næsta alþjóðaþing sitt í Lundi næsta sum-
ar. Hefir í sumar farið fram mikill undirbúningur undir þiog
þetta í samvinnu við Alþjóða kirkjuráðið í Genf.
Yngve Brilioth, erkibiskup Svía, verður aðalleiðtogi þings-
ins, en hann er tengdasonur hins mikla kirkjuhöfðingja Svía,
Natans Söderbloms, er mjög beitti sér fyrir kirkjulegri alþjóða-
samvinnu.
Kirkjan og flóttamannavandamálið.
Eitt hið mesta vandamál nú á dögum er, hvemig hjálpa
skuli þeim mikla fjölda fólks, sem orðið hefir að flýja heim-
ili sín, af styrjaldar- og stjórnmálaástæðum, og á hvergi höfði