Nýjar kvöldvökur - 01.01.1959, Qupperneq 38
24
N.Kv.
Vísnftþáttur
Verðlaunasamkeppni.
Þá eru vísurnar farnar að berast í lausa-
vísnasamkeppnina, og birtum við nú þær
íyrstu. Þátttakan hefur þó verið dræmari
en við væntum, og höfum við því ákveðið
að framlengja frestinn til að skila vísum
lil 1. september í haust, svo að fleirum gef-
isl kostur á að verða með. Jafnframt hvetj-
um við alla lesendur til að kynna sér það,
sem sagt er um fyrirkomulag keppninnar
og verðlaunin og birtist í 3. heftinu í síðasta
árgangi, og þátttakan þarf að aukast. —
Setjizt nú niður og yrkið, og sendið vísur í
keppnina. Það munar um minna en þúsund
krónur og margar góðar bækur.
Þá koma keppnisvísurnar:
1. / vorharðindum.
Leystu ísa, ljóssins dís,
svo landið’ rísi úr klakadróma.
Gróðurvísir vaxa kýs
á víði og hrísi í sólarljóma.
2. Astin sigrar.
Ástarvarminn sefar sárin,
sorg og harmi hægir frá;
þorna af hvarmi tregatárin,
tengist barmur lífsins þrá.
3. / skóginum.
Yngismærin ástarrjóð
er mér nær í runni;
ég vil færa lítið ljóð
ljúfu kærustunni.
4. —5. Hinn vonsvikni.
Ástamála eyja líns
eykur tálið svarta,
en vín af skálum vinar míns
vermir sál og hjarta.
Frá því inni ég faldarein,
fljótt mun linna vonum,
bezt eru kynnin blíð og hrein
frá bernskuminningonum.
6.
Vorsins fría vinarliönd
varpar hlýjum ljósum;
röðull skýja ljær um lönd
líf að nýjum rósum.
7.
Vorið færir unaðsóm,
ást þá blærinn kyndir;
sólin nærir sumarblóm
við silfurtærar lindir.
8.
Gróa á vengi grösin þyrst,
græða engi og varpa.
Fegrar drengja líf og list
Ijóðastrengjaharpa.
9.
Völt eru gæði veraldar,
víða flæða tárin;
af veikum þræði vizkunnar
vil ég græða sárin.
10. Morgunn.
Streymir ljós frá himna liöllum,
heimi veitir skjól;
ljómar yfir Lambafjöllum
Ijúfust morgunsól.
11. Kvöld.
Enn ber ljóma aftansólar
yfir Kinnarfjöll;
roðna tindar, hlíðar, hólar,
hamrar skreyttir mjöll.
Fram skal tekið, að Vísnaþátturinn telur
sér ekki skylt að birta allar vísur sem send-
ar eru í keppnina, ef það er mat þáttarins
að bær séu betur óbirtar.