Eimreiðin - 01.01.1946, Page 27

EIMREIÐIN
VIÐ ÞJÓÐVEGINN
7
þó örlagaríkara en svo, að leyfilegt sé að hefja um það
pólitískan áróður að lítt yfirveguðu ráði.
niðurstöður u n o-ráðstefnunnar.
Aðalviðfangsefni fyrsta fundar ráðstefnu Sameinuðu
þjóðanna voru þrjú: Persíu-málin, Grikklandsmálin og
Indónesíumálin. Niðurstöðurnar um þau öll urðu fremur
óröggsamlegar. Andrei Januarievich Vishinsky, sendifull-
trúi Rússa á ráðstefnunni, og Ernest Bevin, utanríkisráð-
herra Breta, háðu um þau harðar sennur. í deilunni um Iran
eða Persíu krafðist hinn nýi forsætisráðherra landsins,
Qavam Sultaneh, þess eindregið, að málið skyldi lagt fyrir
öryggisráð Sameinuðu þjóðanna til úrskurðar. Vishinsky
neitaði ákveðið, að þessi leið yrði farin og taldi beina
móðgun í garð Ráðstjórnarríkjanna. Hann kvað Persíu og
Rússland fullfær um að gera út um ágreiningsmál sín sjálf.
Bevin studdi kröfu persnesku stjórnarinnar. Fulltrúi
Hollands bar fram miðlunartillögu um, að öryggisráðið
skyldi aðeins fylgjast með samningaumleitunum Rússa og
Persa. Vishinsky gekk inn á, að þetta yrði leyft með vissum
skilyrðum. Engir voru ánægðir með úrslitin og sízt Persar
sjálfir.
Svipað fór um kæru Ukrainíufulltrúans á hendur Bretum,
fyrir að hafa her í Grikklandi. Vishinsky krafðist þess, að
U N O skipaði Bretum þegar í stað burt úr Grikklandi með
her sinn. Bevin svaraði fullum hálsi og lýsti yfir því, að
herinn væri í Grikklandi samkvæmt beiðni grísku stjórnar-
innar sjálfrar. Fundurinn gerði enga ályktun í málinu.
Indónesíudeilan var afgreidd á fundinum með þeirri
yfirlýsingu, að þar væri um að ræða innanríkismál Hollend-
inga og U N 0 bæri því ekki að blanda sér í það.
Allt gengur því líkt og áður í þessum málum, þrátt fyrir
fundinn. Umræðurnar urðu harðar með köflum, en veizlur
og vinmæli á milli.
Á fundinum var eitt mál afgreitt í einu hljóði. en það
var að kjósa Tryggva Lie, utanríkisráðherra Noregs, aðal-
i'itara Sameinuðu þjóðanna. Hann hefur hlotið virðulegasta
embætti þessara samtaka, látið af embætti heima í Noregi,