Eimreiðin - 01.09.1970, Qupperneq 40

184
EIM R EIÐIN
syngja skandinavisk og þýzk lög,
flest frá 19. öld, og það gerði Jón-
as Helgason líka. Þetta var hin
rómantíska tónlist, sem þá lá í
loftinu, og flestir vildu heyra.
Steingrímur Johnsen var góð-
ur söngstjóri og einhver bezti
söngmaður bæjarins. Hann hafði
hljómmikla barítónrödd, sem
hann beitti með hárfínum
smekk. Árni segir í endurminn-
ingum sínum, að Steingrímur
hafi opnað eyru lians og vakið
áhuga hans á söng og tónlist.
Steingrímur stofnaði „Söngfélag-
ið 14. janúar“, sem starfaði á
árunum 1892—96. Þá var Árni
við nám í Kaupmannahöfn.
í Lærða skólanum var margt
ágætra söngmanna, þegar Árni
var þar, sem urðu félagar hans
og söngbræður. Þegar hann kom
í skólann, var þar starfandi sam-
eiginlegt söngfélag skólapilta og
stúdenta og þar söng Árni með.
Fyrstu tvö skólaárin var ferming-
arbróðir hans, Árni Beinteinn
Gíslason, söngstjórinn. Hann var
sonur Gísla Magnússonar, kenn-
ara við skólann, og var af hinni
kunnu Bergsætt. Árni Beinteinn
var afbragðssöngstjóri, þótt ung-
ur væri. Eftir hann er lagið
„Vindarnir þjóta með snarhvini
snarpa". Hann dó 27 ára gamall
í Kaupmannahöfn.
Bjarni Þorsteinsson, sem þá
var orðinn stúdent, stjórnaði síð-
an kórnum. Félagið klofnaði í
tvo kóra, stúdentakór og skóla-
kór. Kristján Kristjánsson, síðar
læknir á Seyðisfirði, sem var
bekkjarbróðir Árna og jafnaldri,
stjórnaði skólakórnum tvö síð-
ustu árin þeirra í skóla.
Árni tók þátt í skólasöngnum
með lífi og sál og þá voru margir
fleiri söngglaðir piltar í skól-
anum. Einn þeirra var Geir Sæm-
undsson, síðar vígslubiskup, sem
stundum söng einsöng með kórn-
um.
Að loknu stúdentspprófi sigldi
Árni til Kaupmannahafnar og
las lögfræði við Háskólann.
Kristján Kristjánsson var þar
líka og las læknisfræði. Þótt söng-
líf væri fjörugt á Garði og ís-
lendingar tækju lagið, hvar sem
þeir komu saman, þá fullnægði
þetta ekki söngþrá þeirra Árna
og Kristjáns. Þeir sóttu um upp-
töku í Stúdentasöngfélagið
danska. En til þess að komast í
félagið, þurfti að ganga undir
stranga prófraun. Af rúmlega 80
umsækjendum, stóðust aðeins 23
stúdentar prófið og meðal þeirra
voru þeir báðir. Þeir voru einu
Islendingarnir, sem sungu í
stúdentakórnum danska á þess-
um árum.
Árni nndi sér vel í kórnum og
átti þaðan góðar endurminning-
ar, einkum í sambandi við Hart-
mann og Grieg. í tilefni af
fimmtugsafmæli Griegs söng kór-