Skinfaxi - 01.05.2010, Page 40

40 SKINFAXI – tímarit Ungmennafélags Íslands
Guðrún
Nielsen
heiðruð
Ungmennafélag Íslands heiðraði
Guðrúnu Nielsen fyrir frábært starf í
þágu Félags áhugafólks um íþróttir
aldraðra, FÁÍA, á aðalfundi félagsins, 6.
apríl sl. Guðrún var ein af stofnendum
félagsins og formaður þess frá upphafi
en félagið fagnar um þessar mundir 25
ára afmæli.
Guðrún lét af formennsku eftir 25
ára starf í FÁÍA á aðalfundinum og við
starfi hennar tók Þórey S. Guðmunds-
dóttir.
Frábært frumkvöðlastarf
Helga Guðrún Guðjónsdóttir, formaður
UMFÍ, sagði að hreyfingin vildi þakka
Guðrúnu fyrir gott samstarf og frábært
frumkvöðlastarf í uppbyggingu félags-
og íþróttastarfs í þágu aldraðra. Helga
Guðrún færði Guðrún Nielsen áritaðan
silfurskjöld sem þakklætisvott frá
UMFÍ.
Guðrún Nielsen þakkaði fyrir þann
heiður sem henni væri sýndur. Hún
sagði að í formennskutíð sinni hefði hún
alltaf unnið með góðu fólki og samstað-
an hefði alltaf verið góð. Hún vildi einnig
þakka Ungmennafélagi Íslands fyrir
þann stuðning sem UMFÍ hefði sýnt
félaginu. UMFÍ lagði Félagi áhugafólks
um íþróttir aldraðra til aðstöðu í húsa-
kynnum sínum árið 1999 sem hefði
haldist síðan.
Stuðningur UMFÍ ómetanlegur
„Stuðningur UMFÍ hefur verið ómet-
anlegur og að fá aðstöðu innan þeirra
raða gjörbylti í raun allri starfsemi
félagsins. Það færði okkur meira öryggi
og öll starfsemin breyttist og efldist til
muna. Fyrir þetta er félagið ákaflega
þakklátt. Árin mín innan FÁÍA hafa
verið mér mikils virði og átt hug minn
allan,“ sagði Guðrún Nielsen.
Með Guðrúnu úr stjórn gengu þau
Soffía Stefánsdóttir og Ernst Backmann
en þau hafa verið meðlimir í félaginu frá
stofnun þess. UMFÍ heiðraði þau einnig
fyrir frábær störf fyrir félagið. Ernst átti
að baki 24 ára starf í stjórninni og Soffía
sat í stjórn í yfir 20 ár.
Á efri myndinni er Guðrún Nielsen með
blómavönd og silfurskjöldinn sem UMFÍ
færði henni að gjöf fyrir frábært starf.
Á neðri myndinni, frá vinstri, eru Soffía
Stefánsdóttir og Ernst Backmann, en þau
voru einnig heiðruð fyrir áratuga starf í
þágu Félags áhugafólks um íþróttir aldr-
aðra. Þá koma Helga Guðrún Guðjóns-
dóttir, formaður UMFÍ, Guðrún Nielsen og
Þórey S. Guðmundsdóttir.
Þórey S. Guðmundsdóttir tók við for-
mennsku í Félagi áhugafólks um íþróttir
aldraðra, FÁÍA, á aðalfundi félagsins.
Guðrún Nielsen, sem hafði gegnt for-
mennsku í félaginu allt frá stofnun
þess eða í 25 ár, gaf ekki kost á sér til
endurkjörs.
Þórey sagði að þegar hún kom inn í
félagið hefði aldrei staðið til að hún yrði
formaður.
„Mál þróuðust hins vegar með þeim
hætti en ég fékk mikla hvatningu til að
taka þetta starf að mér. Það er mikil
gróska innan félagsins og góð og öflug
starfsemi fer þar fram. Við stöndum
fyrir boccia-móti, höldum íþróttadag
árlega á öskudegi og gefum út fréttabréf
svo að eitthvað sé nefnt. Einnig mætti
geta danskennslu sem hefur verið undir
handleiðslu Kolfinnu Sigurvinsdóttur,“
sagði Þórey.
Stjórn FÁÍA er þannig skipuð: Þórey
S. Guðmundsdóttir, formaður, Hjörtur
Þórarinsson, varaformaður, Flemming
Jessen, gjaldkeri, Hörður Óskarsson,
ritari, Guðmundur Magnússon, varari-
FÁÍA
Þórey S. Guðmundsdóttir formaður FÁÍA
tari, Sigurrós Óttarsdóttir, meðstjórn-
andi, og Sigmundur Hermannsson,
meðstjórnandi.
Ungmennafélag Íslands hefur lagt
Félagi áhugafólks lið um íþróttir hin
síðustu ár og hefur félagið aðstöðu í
Þjónustumiðstöð UMFÍ.
Til vinstri: Þórey S. Guðmundsdóttir,
nýkjörinn formaður FÁÍA.
Til hægri: Þórey á púttmóti, en pútt er
íþrótt sem nýtur vaxandi vinsælda innan
félagsins.