Ægir - 15.06.1970, Blaðsíða 22

212
ÆGIR
síld með fitumagni allt niður í 10% og
stykkjatali allt að 900 í tunnu, en það svar-
ar til 1100/1150 stk. miðað við hausskorna
og slógdregna síld.
Áður en samningur þessi var gerður,
hafði sjávarútvegsráðherra boðað til
sérstaks viðræðufundar, samkvæmt ábend-
ingu fiskifræðinga, til að ræða hvort og
hvenær veiðibann til verndar sunnlenzka
síldarstofninum skyldi hefjast. Komu fram
á þeim fundi tillögur um að bannið skyldi
hefjast fyrr í ár en árið áður, en þá var
síldveiði fyrir Suður- og Vesturlandi bönn-
uð frá 1. marz—15. september. Fulltrúar
útvegsmanna og skipsstjórnarmanna á
fundinum lögðust gegn því að banntíminn
hæfist fyrr en um miðjan febrúar, eða þar
til loðnan væri væntanleg að ströndinni.
Með tilliti til þeirrar afstöðu þessara full-
trúa, var ákveðið að veiðibannið skyldi
ekki hefjast fyrr en 15. febrúar. Töldu
útvegsmenn og sjómenn áríðandi að sölt-
un síldar yrði gerð möguleg fram að þeim
tíma, og var með hinum sovézka samningi
komið til móts við óskir þessara aðila.
Vegna aflabrests eftir áramót tókst að-
eins að framleiða um 650 tunnur upp í
samninginn við Sovétríkin. Samningurinn
var, eins og aðrir fyrirframsamningar
Síldarútvegsnefndar, gerður með venju-
legum fyrirvara um veiði.
Vei'öi og söltun.
Síldveiðar við Suður- og Vesturland voru
ekki leyfðar fyrr en 15. september. Nokkr-
ir bátar höfðu þó áður fengið undanþágu
til að veiða síld til niðursuðu.
Strax eftir að veiðibanninu var aflétt
hóf hluti síldveiðiflotans veiðar við suður-
ströndina og fékkst allsæmilegur afli í
Breiðamerkurdýpi næstu dagana.
Þann 28. september fengu allmargir
bátar sæmilegan afla norðvestur af Eldey.
Ógæftir hindruðu allar veiðar frá 29. sept-
ember til 10. október, en þann dag var
góður afli suðvestur af Garðskaga og norð-
vestur af Surtsey. Næstu tvær vikurnar
var sæmilegur afli annað veifið á svæðinu
milli Surtseyjar og Garðskaga, en 21.
október hófst nýtt ógæftatímabil, sem
stóð fram í byrjun nóvember. Fyrrihluta
nóvember fór að verða vart við síld suð-
vestur af Snæfellsnesi og um miðjan mán-
uðinn fékkst allgóður afli á þessu svæði.
Flotinn hélt sig mestmegnis á þessu svæði
fram að jólum, en fremur illa gekk að ná
síldinni sökum þess hve djúpt hún stóð.
Er flotinn hóf veiðar eftir jóla- og ný-
árshléð, fannst enn nokkur síld á svipuð-
um slóðum og fyrir jól, en síldin stóð mjög
djúpt og reyndist ógerlegt að ná henni þá
fáu daga, sem á sjó gaf. Um miðjan mán-
uðinn virtist síldin vera horfin af miðun-
um og fannst ekki þrátt fyrir töluverða
leit. Síldarskipin hættu þá veiðum, en leit-
arskipið Hafþór leitaði fram í janúarlok,
en fann hvergi síld.
Söltun Suðurlandssíldar skiptist sem
hér segir á söltunartímabilið eftir vikum:
—20/9 10.305 tunnur
21/9 —27/9 11.232 —
28/9 — 4/10 3.615 —
5/10—11/10 8.609 —
12/10—18/10 20.596 —
19/10—25/10 2.302 —
26/10— 1/11 2.268 —
2/11— 8/11 0 —
9/11—15/11 10.302 —
16/11—22/11 13.902 —
23/11—29/11 5.080 —
30/11— 6/12 8.794 —
7/12—13/12 725 —
14/12—20/12 4.729 —
21/12—27/12 0 —
28/12— 3/1 0 —
4/1 —10/1 746 —
11/1 —17/1 27 —
Söltunin á hinum einstöku söltunarstöð-
um varð sem hér segir og er þá söltunin í
Njarðvík talin með Keflavík.
Rif/Hellissandur 844 tunnur
Akranes 13.293 —
Reykjavík 16.380 —
Hafnarf jörður 6.173 —
Keflavík 15.796 —
Garður 2.517 —
Sandgerði 6.654 —
Grindavík 10.421 —