Ægir - 15.12.1973, Blaðsíða 17

Útgerð og
aflabrögð
SUÐUR- OG SUÐVESTURLAND
í nóvember.
Gæftir voru sæmilegar víðast hvar á svæð-
inu en svæðið er stórt og veður því misjafnt.
Smærri bátar hafa hætt og sumir eru að
búa sig undir vetrarvertíðina og nokkrir hinna
stærstu báta bæði frá Vestmannaeyjum,
Hornafirði og víðar hafa fiskað fyrir erlendan
markað.
Afli bátaflotans í mánuðinum miðað við
óslægðan fisk varð bolfiskur 6383 lestir, rækja,
5 lestir, hörpudiskur 496 lestir, spærlingur og
annar bræðslufiskur 711 lestir og reknetasíld
61 lest.
Aflinn í einstökum verstöðvum:
Hornafjörður: Þaðan stunduðu 10 bátar
veiðar, þar af 7 með botnvörpu, 1 með línu og
2 með reknet. Aflinn var 291 lest bolfiskur og
51 lest síld.
Vestmannaeyjar: Þaðan stunduðu 17 bátar
veiðar. 14 með botnvörpu og 3 með net. Aflinn
var 306 lestir bolfiskur og 654 lestir spærling-
ur og annar bræðslufiskur.
Stokkseyri: Þaðan stunduðu 2 bátar veiðar
með botnvörpu. Aflinn var 24 lestir bolfiskur.
EjTarbakki: Þaðan stunduðu 3 bátar veiðar
með botnvörpu, aflinn var 5 lestir bolfiskur.
Þorlákshöfn: Þaðan stunduðu 19 bátar veið-
ar, 15 með botnvörpu og 4 með net. Aflinn var
429 lestir bolfiskur.
Grindavík: Þaðan stunduðu 33 bátar veiðar.
16 með botnvörpu, 6 með net, 11 með línu og
1 með reknet. Aflinn var 886 lestir bolfiskur,
57 lestir spærlingur og annar bræðslufiskur og
10 lestir síld.
Sandgerði: Þaðan stundaði 21 bátur veiðar,
6 með botnvörpu, 10 með línu, 1 með handfæri,
4 með net og öfluðu 663 lestir bolfisk.
Keflavík: Þaðan stundaði 51 bátur veiðar,
9 með botnvörpu, 10 með net og 32 með línu
og öfluðu 1233 lestir bolfisk og 5 lestir rækju.
Vogar: Þaðan stunduðu 2 bátar veiðar með
net. Aflinn var 106 1. bolfiskur.
Hafnarfjörður: Þaðan stunduðu 5 bátar
veiðar með botnvörpu og línu. Aflinn var 142
lestir bolfiskur.
Rej7kjavík: Þaðan stunduðu 12 bátar veiðar
auk nokkurra trillubáta og öfluðu 362 lestir
bolfisk, 2 með net, 2 með línu og 8 með botn-
vörpu.
Akranes: Þaðan stunduðu 8 bátar veiðar
auk nokkurra trillubáta, 6 stunduðu línu, 1
net og 1 botnvörpu. Aflinn var alls 683 lestir
bolfiskur.
Rif: Þaðan stunduðu 11 bátar veiðar og öfl-
uðu 299 lestir af bolfiski.
Ólafsvík: Þaðan stunduðu 24 bátar veiðar,
9 með botnvörpu, 8 með línu og 7 með net.
Aflinn varð 813 lestir bolfiskur.
Grundarfjörður: Þaðan stunduðu 7 bátar
veiðar, 2 með botnvörpu, 3 með net og 2 með
skelplóg. Aflinn varð 141 lest bolfiskur og 36
lestir hörpudiskur.
Stykkishólmur: Þar stunduðu 9 bátar hörpu-
diskveiðar og öfluðu 460 lestir.
VESTFntÐIN G AF JÓRÐUN GUR
í nóvember.
Gæftir voru sæmilegar í nóvembermánuði,
en afli var sáratregur allan mánuðinn, bæði
á línu og í botnvörpu. Hafa bátarnir leitað
fyrir sér á öllu svæðinu frá Vikurál og austur
á Hornbanka, en hvergi hefir orðið vart við
fisk. Er greinilegt, að enginn fiskur hefir
gengið á miðin úti af Vestfjörðum enn sem
komið er.
Heildaraflinn í mánuðinum varð 3.717 lestir,
en var 3.128 lestir á sama tíma í fyrra. Aflinn
ÆGIR — 445