Ægir - 01.01.1980, Qupperneq 24

Skyndilokanir togveiðisvæða vegna smáfisks
í afla hafa reynst árangursríkar og ber að halda
þeim áfram. Þess verði gætt, að svæðum, sem
lokað er af þessum sökum verði jafnframt lokað
fyrir öllum veiðarfærum.
Birtar verði skýrslur um athuganir á fiskgengd
og stærðardreifingu þorsks á lokaða svæðinu
Rifstangi - Langanes. Athugað verði um að opna
þetta svæði eða hluta þess tímabundið.“
IV. Frá fjórðungssambandi Vestfirðinga.
IV. mál
Fjórðungsþing fiskideildanna á Vestfjörðum
haldið á Patreksfirði 20. október 1979, sam-
þykkir eftirfarandi:
1. Við stjórnun fiskveiða verði áfram beitt
beinum takmörkunum, til að draga úr eða tak-
marka sókn í ákveðna fiskstofna. Telur þingið,
að svo margir augljósir ókostir og annmarkar
fylgi svonefndri verðlagsaðferð, þ.e. að selja
aðgang að fiskimiðunum, hvort sem það yrði
gert í formi auðlindaskatts eða með sölu
veiðileyfa, að hún komi alls ekki til greina við
stjórnun veiða.
2. Allar veiðitakmarkanir séu kunngerðar með
góðum fyrirvara, svo að útgerð og fiskvinnsla
geti skipulagt rekstur sinn þannig, að tak-
markanirnar valdi sem minnstum truflunum
á rekstri fyrirtækjanna og leiði ekki til
atvinnuleysis á ákveðnum árstímum.
3. Kvótaskiptingu á þorskafla telur þingið
óframkvæmanlega, auk þess sem hún myndi
lama það framtak, sem fylgt hefir fisk-
veiðum alla tíð, og er grundvöllur heil-
brigðrar útgerðar. •
4. Meðan nauðsynlegt er talið að draga úr
sókninni í þorskstofninn, verði aflamark fyrir
þorsk ákveðið fyrir bilið frá 1. maí til 30.
apríl ár hvert og sóknartakmarkanir ákveðn-
ar með hliðsjón af því.
5. Frá 1. maí 1980 til 30. apríl 1981 verði
þorskveiðar takmarkaðar þannig:
Togarar: 1. maí til 30. sept. 1980 70 dagar
1. okt. til 31. des. 1980 10 dagar
1. jan. til 30. apr. 1981 10 dagar
Alls 90 dagar
Bátar: 1. maí til 30. sept. 1980 lOdagar
1. okt. til 31. des. 1980 10 dagar
1. jan. til 30. apr. 1981 10 dagar
Alls 30 dagar
6. Á þeim tíma, sem fiskiskip stundar ekki
þorskveiðar, megi hlutdeild þorsks í heild-
arafla ekki nema meiru en 15%.
Að endingu vil ég leggja fram mjög mikilvægt
mál er kemur frá Fiskideild Reykjavíkur, Hafnar-
ijarðar og nágrennis.
V. Frá Fiskideild Reykjavíkur, Hafnaríjarðar og
nágrennis.
Á fundi stjórnar Fiskideildar Reykjavíkur,
Hafnarfjarðar og nágrennis þ. 30. október 1979
var samþykkt að beina eftirfarandi tillögu til
38. Fiskiþings:
38. Fiskiþing skorar á ríkisstjórn og Alþingi
að svo fljótt, sem auðið er, verði stofnaður
aflajöfnunarsjóður sjávarútvegsins, sem hafi
það hlutverk að verðbæta fisktegundir, sem frá
fiskifræði- og þjóðhagslegu sjónarmiði er hag-
kvæmt að nýta, en gefa ekki nægilegt markaðs-
og hráefnisverð, til þess að fiskvinnslufyrirtæki,
sjómenn og útgerð geti við unað.
í ákvæðum laga um hinn nýja sjóð, verði
eftirfarandi höfuðmarkmið sett:
1. Fjármagns til sjóðsins verði aflað með
ákveðnu gjaldi af útflutningsverði hverrar
og einnar fisktegundar, sem á hverjum tíma er
seld úr landi.
2. Verðlagsráð sjávarútvegsins ákveði hverju
sinni um þær fisktegundir, sem þörf er á að
verðbæta.
3. Sjávarútvegsráðherra setji reglugerð fyrir
sjóðinn og við samningu reglugerðarinnar
verði stuðst við tillögur frá stjórn Fiski-
félags íslands.
Greinargerð:
Segja má að tilurð þessara tillögu sé í rökréttu
framhaldi af ákvæðum í 2. gr. bráðabirgða-
laga frá 11. júní 1979, um hækkun olíugjalds
til fiskiskipa og verðuppbót á vannýttar fisk-
tegundir.
í 2. gr. laganna segir svo m.a. „þrátt fyrir
ákvæði laga um útflutningsgjald nr. 5, 13.
febrúar 1976 sbr. lög nr. 3, 2. marz 1979, skal
heimilt að verja 500 milljónum króna af tekjum
Tryggingasjóðs fiskiskipa og 700 milljónum
króna af tekjum Aflatryggingasjóðs, af út-
flutningsgjaldi, til þess að bæta upp verð á
karfa og ufsa á tímabilinu 15. maí 1979 til
31. desember 1979.“
12 — ÆGIR