Ægir - 01.04.1980, Blaðsíða 24

Hin alþjóðlega fiskveiðasýning
Norðmanna „Nor-Fishing“, verð-
ur haldin að þessu sinni í Þránd-
heimi í ágúst n.k. Er þetta áttunda
fiskveiðisýningin sem Norðmenn
standa fyrir undir þessu merki, en
sú síðasta var haldin í Oslo 1978.
í gegnum tíðina hafa flestar þessar sýningar verið
haldnar í Þrándheimi og fagna því nú margir og þó
sérstaklega norskir fiskimenn, en flestir þeirra eru
frá Norður Noregi. Frá því að ákveðið var endan-
lega í september sl., að sýningin færi fram í Nidaro-
hallen, Þrándheimi, hefur allt sýningarpláss verið
upppantað, en um 150 fyrirtæki munu verða með
sýningarbása á svæðinu sem er um 4.700 m2.
Þegar Nor-Fishing sýningin var síðast haldin í
Þrándheimi árið 1976, sóttu hana um 27.000 manns,
en sýninguna í Oslo 1978 sóttu aðeins 10.000 manns.
Því miður er Þrándheimur þekktari fyrir annað en að
hafa of mörgum hótelherbergjum á að skipa og er
því þeim sem áhuga hafa fyrir að sækja þessa
sýningu bent á að panta sér hótelherbergi í tíma
til að komast hjá vandræðum með gistingu.
•
Síðastliðin ár hafa rússneskir fuglafræðingar gert
sér til dundurs að telja alla sjófugla í heiminum og
komist að þeirri niðurstöðu að þeir séu í kringum 3
milljarðar, eða á að giska 1 /2 milljarða færri en allt
mannkynið. Reiknast Rússunum svo til, að sjófugl-
ar éti um 80 milljón tonn af hinum ýmsu fisktegund-
um og álíka magn af svifi, en það svarar til þess að hver
sjófugl éti daglega um 146 grömm af sjávarfangi.
Sem dæmi eru sjófuglar Suðurskautsins, einkum
mörgæsir, taldir éta um 20 milljón tonn af ljósátu
(krill), auk anna kræsinga. Þrátt fyrir að slíkum
kynstrum af lífrænni fæðu úr sjónum sé torgað af sjó-
fuglum, telja þessir vísindamenn, að það hafi lítil
áhrif á stærðir fiskstofna. Hverjir eru alltafað þrasa
um 100.000 tonn af loðnu til eða frá?
Heildarsjávarafli í Norður-Atlantshafi er kom-
inn í um 16 milljónir tonna. Að áliti margra vísinda-
manna er þetta hámark þess sem þetta hafsvæði get-
ur gefið af sér.
Hin árlega skýrsla FAO um fiskveiðar þjóða
heims fyrir 1978 er komin út. Kemur þar fram að
ísland hefur færst upp um eitt sæti frá árinu
á undan, en var árið 1976 í 20 sæti. Bráða-
birgðatölur fyrir sl. ár hljóða upp á 1.645.000
tonna heildarafla hér á landi.
1978 1977
Þjóðir Afli tonn Röð: A fli tonn Röð:
Japan 10.752.163 1 10.763.358 i
Sovétríkin 8.929.754 2 9.352.204 2
Kína 4.660.000 3 4.700.000 3
Bandaríkin .... 3.511.719 4 3.085.211 5
Perú 3.364.843 5 2.540.675 7
Noregur 2.647.074 6 3.460.013 4
Indland 2.367.852 7 2.311.869 6
S. Kórea 2.350.778 8 2.419.019 8
Thailand 2.264.000 9 2.189.907 9
Danmörk 1.745.474 10 1.806.612 10
Chile 1.698.484 11 1.398.953 16
Indonesia 1.655.000 12 1.571.852 12
N. Kórea 1.600.000* 13 1.600.000* 11
ísland 1.579.019 14 1.378.182 15
Filipseyjar 1.558.383 15 1.510.789 13
Kanada 1.406.757 16 1.270.027 17
Spánn 1.379.882 17 1.393.793 14
S. Afríka 1.035.444 18 1.007.230 19
England 1.027.330 19 992.710 20
Vietnam 1.013.500* 20 1.013.500* 18
Allur heimurinn 72.379.500 71.212.900
* Áætlaðar aflatölur.
Fiskafli annara þjóða var undir einni milljón tonna-
Áður en Kína gerðist meðlimur að FAO var
áætlað að afli þeirra væri tæpar 7 milljónir
tonna, en eftir að Kínverjar létu aflaskýrslur sínar
í té, kom í ljós að fiskaflinn var allmiklu minm
en talið var, eða á bilinu 4,6 til 4,7 milljónir
tonna árlega.
Algengt er að menn haldi að fáar fisktegundir
gefi af sér mestan hluta heimsaflans, en svo er þ°
ekki í raunveruleikanum. Þær fisktegundir sem gáfu
af sér meir en 100.000 tonn, hver um sig, vorn
69 og samanlagður afli þessara aðalfisktegunda
200 — ÆGIR