Ægir - 01.04.1980, Page 68

SKIPSTAPAR OG SLYSFARIR
o.fl. með áorðnum breytingum til að öðlast gildi frá
og með 1. janúar 1980. Frá sama tíma er úr gildi felld
auglýsing nr. 224 23. desember 1971 um sama efni
og auglýsing nr. 172 30. mars 1978 um breytingu á
þeirri auglýsingu.
Ákvæði til bráðabirgða.
Meðan lög nr. 107 30. desember 1978 um sérstakt
tímabundið vörugjald með áorðnum breytingum
eru í gildi eða þau framlengd óbreytt skulu ákvæði
reglna um endurgreiðslur tolla vegna skipasmíða og
skipaviðgerða gilda um endurgreiðslu gjalds þessa
eftir því sem við geta átt, með þeim leiðréttingum
sem leiðir af ákvæðum 2. og 3. mgr. hér að neðan.
Heildarendurgreiðsluprósenta vegna nýsmíði þil-
farsskipa og -báta, sbr. a-lið 1. mgr. 3. gr. og 2. mgr.
3. gr. skal vera 3% hærri en þar segir vegna álagn-
ingar nefnds vörugjalds, sem endurgreitt skal með
sama hætti og tollur og í þeim áföngum sem kveðið
er á um í 4. gr. reglna þessara. Heildarendur-
greiðsluprósenta vegna nýsmíði opinna báta, sbr.
b-lið 1. mgr. 3. gr. og 2. mgr. 3. gr., skal vera 1%
hærri en þar segir vegna álagningar ofangreinds
vörugjalds og skal endurgreitt með sama hætti og
kveðið er á um endurgreiðslu tolls skv. 5. gr. reglna
þessara.
Af sérinnfluttu efni til skipaviðgerða skal nefnt
vörugjald endurgreitt að fullu samkvæmt fram-
lagðri aðflutningsskýrslu, sbr. I. mgr. 11. gr. Heild-
arendurgreiðsluprósenta af öðru gjaldskyldu inn-
fluttu efni til skipaviðgerða skal vegna álagningar
vörugjalds vera 4.5% hærri en kveðið er á um í 2.
mgr. 11. gr. reglna þessara.
Um endurgreiðslur tolla vegna nýsmíði skipa og
báta sem smíði er hafin á og tilkynnt Siglingamála-
stofnun, sbr. 2. gr., fyrir gildistöku reglna þessara
skulu gilda ákvæði auglýsingar nr. 224/1971 að því
er varðar þá smíðaáfanga, sbr. 3. gr., sem lokið er
við og sótt um endurgreiðslu vegna fyrir gildistöku
þessara reglna. Sama skal gilda eftir því sem við
getur átt um endurgreiðslur tolla vegna viðgerða
eða endurbóta á skipum og bátum, enda hafi um-
sókn um endurgreiðslu borist Siglingamálastofnun
fyrir gildistöku reglna þessara.
bjármálaráðuneytið, 18. desember 1979.
Sighvatur Björgvinsson.
Höskuldur Jónsson.
Banaslys um borð í Ingólfi Arnarsyni
Þann 25. febrúar sl. lést
af slysförum um borð i
b/v Ingólfi Amarsyni Ing>'
mar Halldórsson. Togar-
inn var að veiðum út af
Vestíjörðum er slysið varð.
Óveður geisaði er slysið
varð og eru orsakir slyss-
ins raktar til þess. Ingi'
mar Halldórsson var 54
ára gamall.
Féll útbyrðis og drukknaði
Háseti á v/b Gjafari VE
600, Sævar Jensson, féll
útbyrðis og drukknaði
föstudaginn 7. mars. Bát-
urinn var að veiðum út a*
Ingólfshöfða er slysið varð-
Sævar var 31 árs til heint'
ilis að Bergstaðastræti
43A Reykjavík.
Þrír rækjubátar fórust
Þann 25. febrúar sl. fórust tveir rækjuveiðibátar
í ísafjarðardjúpi og einn í Arnarfirði í aftakaveðri
sem gekk yfir Vestfirði:
Gullfaxi ÍS 594 og Eiríkur Finnsson ÍS 26 fra
ísafirði og Vísir BA 44 frá Bíldudal. Tveir menn
voru í hverjum bát og fórust allir.
Þeir sem fórust voru:
Með Gullfaxa: Ólafur S. Össurarson 48 ára og
Valdimar össurarson 40 ára.
Með Eiríki Finnssyni: Haukur Böðvarsson 31 árs
og Daníel Jóhannsson 35 ára.
244 — ÆGIR