Ægir - 01.07.1981, Qupperneq 23

loðnuveiðiskip og kemur frá 9.400 tonnum upp í
18.800 tonn í hlut hvers skips eftir stærð.
Norðmönnum er heimilt að veiða 82.615 tonn úr
islenska loðnustofninum og megum við veiða sama
magn af loðnu innan fiskveiðilögsögu Jan Mayen.
A s.l. ári fóru hinir 16 (15) stóru skuttogarar
okkar í 337 (305) veiðiferðir og öfluðu samtals
68.887,6 (63.486,4) tonn, eða að meðaltali 204,4
(208,2) tonn í veiðiferð og 13,4 (13,2) tonn á út-
haldsdag.
21 (66) skuttogari af minni gerðinni, þ.e. þeir
sem mældir eru undir 500 brl, fóru í 2.107 (1.897)
veiðiferðir og öfluðu samtals 250.159,9 (207.508,7)
lonn, eða að meðaltali 118,7 (109,4) tonn í veiði-
ferð og 11,2 (9,9) tonn á úthaldsdag. (Tölur innan
sviga eru frá 1979).
Japanir hafa um langt skeið verið mesta fisk-
veiðiþjóð heims og ennfremur brautryðjendur og
náð lengst allra í fiskeldi og ræktun sjávarplantna
l'l manneldis. Japanir hafa frá alda öðli lifað að
stórum hluta af sjávarfangi og enn þann dag í dag
eru þeir heimsins mestu neytendur sjávarafurða og
fer þjóðin um 50% af eggjahvítuefni sínu frá
Hfríki hafsins, en hjá vestrænum þjóðum er
Þetta hlutfalla á bilinu 5-20%.
Japanir hafa undanfarin ár lagt sérstaka
hherslu á að auka fiskgengd í hafinu umhverfis eyj-
arnar með því að sleppa í stórum stíl ungfiski sem
hlakið hefur verið út í eldisstöðvum og með
bessum hætti komið móður náttúru til hjálpar á all-
abreifanlegan hátt, þar sem þetta hefur tekist mjög
vel.
Mikil breidd er í sjávareldisiðnaði Japana, allt
frá því að rækta nokkur hundruð þúsund tonn af
bara og þangi, upp í skelfiskræktun í stórum
stíl> auk hinna hefðbundnu laxfiska og annara rán-
f'ska. í seinni tíð hefur verið hafið eldi á rækju og
Sengur það vonum framar.
Arið 1977 var ræktun á sjávarplöntum og heild-
arfiskeldi í Japan 943.000 tonn, að verðmæti um
mill.ísl.kr. og var þetta 8,8% af magni og
12,5% af verðmæti alls sjávarfangs það árið. Lang
umfangsmest og mikilvægust er þang- og þara-
ræktunin og að magni til var hún um helmingur
þess sem iðnaðurinn gefur af sér, eða á fimmta
hundrað þús. tonn upp úr sjó. í Japan þykur þari
og þang herramannsmatur og er framreitt á fjöl-
breyttan hátt, s.s. þurrkað, i salat, sósur, sem
krydd o.s.frv.
Nýjar og endurbættar gerðir af fiskkössum eru
sífellt að koma fram á sjónarsviðið og er það í
sjálfu sér ekki undravert, þar sem tiltölulega
skammur tími er síðan farið var að notast við þessa
aðferð til að geyma í fisk til sjós. Þó fiskkassar séu
í eðli sínu einfaldleikinn uppmálaður þá er aldrei
svo að ekki megi stöðugt endurbæta alla hluti og
gera hentugri í meðförum.
Myndin hér að neðan sýnir fiskkassa sem GPG
fyrirtækið í Bretlandi framleiðir og eru þeir að því
leyti frábrugðnir hinum hefðbundnu fiskkössum,
að þeir ganga hver ofan í annan tómir, en þegar
þeim er staflað upp með fiski í er hverjum kassa
snúið 180° og hvilir hann þá á hökum sem annars
ganga ofan í þar til gerðar grópir svo fyrirferð
þeirra minnkar mikið þegar ekki er verið að nota
þá.

%
ÆGIR — 375