Ægir - 01.11.1981, Blaðsíða 24

Kristján Ragnarsson:
Úrdráttur úr framsöguerindi
Kristján Ragnarsson
taldi ekki líklegt að
skýrslan um þróun
sjávarútvegs myndi vekja
eins mikla umræðu og
bláa skýrslan frá 1976.
Sú skýrsla kom út stuttu
á eftir „svörtu skýrslu“
Hafrannsóknastofnunar
og gaf henni aukna
áherslu. Kvaðst Kristján
hafa verið í hópi þeirra
sem hefðu tekið mikið mark á bláu skýrslunni og
L.Í.Ú. verið fylgjandi því að fara að öllu með gát.
Varðandi þessa skýrslu mætti benda á að starfs-
hópurinn einkenndist af sérfræðingum og í honum
fáir með tengsl við sjávarútveginn. Sennilega væri
þó við talsmenn sjávarútvegsins sjálfa að sakast
sem ekki hefðu gefið sér tíma til að taka þátt í slíku
starfi.
Fullyrðingu hópsins að afrakstursgeta þorsk-
stofnsins sé nú sennilega undir 500 þúsund tonnum
vantar alla einbeitni. Hópurinn gerir ekki full-
Mynd 11. Sterturinn óklár.
600 — ÆGIR
nægjandi grein fyrir þessari staðhæfingu. Sér
virtist einnig að nefndarmenn hafi færst undan því
að skýra hvað hafi gerst síðan í bláu skýrslunni var
ráðlagt að hámarksafli yrði 230 þúsund tonn.
Siðan fór aflinn langt fram yfir það. Hér væri á
ferðinni veruleg skekkja sem þarfnaðist skýringar.
Ekki hefði O-grúppu athugunin reynst sem skyldi.
Það hefði mátt segja sér að nýliðun yrði betri.
Alvarlegt væri að vita að þyngdartölur eftir aldri
væru of lágar og slæmt að vita að Hafrannsókna-
stofnun hefði ekki vitað betur og ábendingar um
þetta komið utan frá. Spurði Kristján hvernig á þvi
stæði að notuð væru gömul hámarksnýtingarmörk
þorsks eftir að smáfiskadrápinu væri hætt, erlend-
ir aðilar farnir af íslandsmiðum og hrygningar-
stofninn kominn í 1100 þúsund tonn. Gamla við-
miðunin var 500 þúsund tonn og nýtingin gaf þa
meiri afla en gömlu mörkin gerðu ráð fyrir. Með
1100 þúsund tonna hrygningarstofni ættu tæki-
færin að vera miklu meiri til að auka afrakstur.
Varðandi aðrar aflatölur mætti minnast á loðn-
una. L.Í.Ú. hefur farið eftir tilmælum Hafrann-
sóknastofnunar um veiðar á loðnu. Fengið var álit
sérfræðings, er starfar hjá alþjóðastofnun, um
aðferðir þær sem Hafrannsóknastofnun beitti við
stofnstærðarmælingar og reyndust þær vera í góðu
áliti hjá honum. Æskilegt væri að halda þessu sam-
starfi L.Í.Ú. og Hafrannsóknastofnunar áfram.
í skýrslunni væri vitnað til möguleika á að auka
kolmunnaveiðar. Ekki kvaðst hann sjá að þetta
væri raunhæft, kolmunnaveiðarnar hefðu brugðist
og nægði aflaverðmætið ekki fyrir útgerðarkostn-
aði.
Kristján taldi æskilegt að notast við reiknilíkön
við gerð aflaspáa og afkomu veiða. L.Í.Ú. hefur
hinsvegar ekki fengið að fylgjast nógu vel með
líkanasmíðinni. Likanið sem notast er við í skýrsl-
unni er ósannfærandi og líkast til dregið upp ur
skúffu þegar ekki tókst að ljúka við fullkomnara
líkan. Hvergi stendur hvaða rök eru til grundvallar
niðurstöðunum. Niðurstöðurnar sýna að flotinn er
allt of stór og talið hagkvæmast að leggja 51^°
flotans. Þessar niðurstöður eru i hróplegn
andstöðu við mat manna á raunveruleikanum.
Skýrslan gerir ennfremur of lítið úr því sem
verið er að gera í sjávarútvegi í dag. Skrapdagar
eru nú orðnir 150. Það er verið að leggja skatta a
aðra útgerð til að stuðla að veiði vannýttra stofna-
Sjóðir eins og aldurslagasjóður og úreldingarsjóð-
ur hefðu verið stofnaðir til að hjálpa sjávarútveg-