Tímarit lögfræðinga - 01.01.1961, Qupperneq 43

Bandarísk lög um ölvun
við akstur
Höfundur þessarar greinar, Eugene N. Hanson prófesssor,
deildarforseti Lagadeildar Northern Universtity, Ohio, er mörg-
um íslenzkum lögfræðingum og laganemum að góðu kunnur
síðan hann dvaldi hér, veturinn 1959—1960. Hann kenndi þá
nokkuð við Lagadeildina og flutti fyrirlestra. Hann hefur ver-
ið svo vinsamlegur að skrifa grein þá, er hér fer á eftir, fyrir
tímaritið.
Islenzkir lögfræðingar hafa, ef til vill, áhuga á að kynn-
ast bandariskum lögum um meðferð mála vegna ölvunar
við akstur. Sú staðrevnd, að ágreiningur hefur stund-
um orðið við bandaríska borgara á Keflavíkurflugvelli
út af lögum um ölvun við akstur, kann að gefa tilefni
til skýringar á bandarískum lögum og málsmeðferð, svo
hægt sé að gera hér samanburð á. Á þann hátt kann að
verða mögulegt að skilja, hvernig ólík sjónarmið koma
stundum fram.
Lög Ohio ríkis eru mjög lík lögum annarra sambands-
rikja Bandaríkjanna. „The Ohio Revised Code §4511—
19 mæla svo fyrir: „Hér í ríkinu er engum þeim, sem
er undir áhrifum áfengis, eiturlyfja eða ópium, heimilt
að stjórna nokkru farartæki, almenningsvagni eða spor-
vagni, er ekki fer á teinum.“
Viðurlög við slikum brotum eru sektir, þó eigi hærri
en 500 $, og varðhald eigi skemmra en 3 dagar, né lengra
en 6 mánuðir, og minnst 3 dagar fangelsisvistarinnar
skulu afplánaðir i hegningarvinnu. Til viðbótar þessu er
dómara heimilt að svipta þann, sem salcfelldur er vegna
aksturs undir áhrifum áfengis, ökuleyfi allt að þrem ár-
um eða fvrir fullt og allt.
Timcirit lögfræðinga
37