Tímarit lögfræðinga - 20.12.1992, Síða 27

Jón G. Briem:
VÍKJANDI LÁN
1. INNGANGUR
Grein þessi var rituð í nóvember 1992.
Fyrir nokkru barst mér fyrirspurn um hvort það gæti staðist að ríkisábyrgð
fylgdi víkjandi láni. Tilefnið var að verið er að setja nýjar reglur um útreikning
eigin fjár banka. Verið er að samræma ákvæði íslenskra laga hinum svokölluðu
BIS reglum. Þær eru um lágmark og útreikning eigin fjár banka sem starfa á
alþjóðlegum mörkuðum. íslensk stjórnvöld telja mikilvægt að setja nýjar reglur
um þetta til að íslenskir bankar verði samkeppnishæfir við erlenda. Sérstaklega
var haft í huga að með stofnun Evrópska efnahagssvæðisins yrði að samræma
þær reglur sem hér giltu reglum Evrópubandalagsins. Evrópskir bankar eiga að
fá sama rétt til starfsemi hérlendis og innlendir. Sama gildir auðvitað um
starfsheimildir íslenskra banka erlendis.
Enn er óvíst hvort íslendingar staðfesta EES samninginn. Hvort sem það
verður eða ekki er líklegt að umræddar reglur um eigið fé banka verði innleiddar
hér. Fyrirspurnin sem ég fékk á því fullan rétt á sér og ég mun reyna að svara
henni í þessari grein.
Þegar ég byrjaði að hugleiða efnið komst ég strax að því að ég vissi ósköp lítið
um víkjandi lán. Ég hafði heyrt þeirra getið og lítillega haft afskipti af slíku við
meðferð þrotabús þar sem ég var skiptastjóri. En þessi reynsla mín dugði ekki til
að ég gæti svarað fyrirspurninni. Ég ákvað að leita mér upplýsinga í bókum. En
þá kom í ljós að rit um efnið hérlendis eru vægast sagt af skornum skammti. Eftir
að hafa kannað bókakost hins nýja bókasafns Lögmannafélags íslands og
257