Tímarit lögfræðinga - 20.12.1992, Qupperneq 32

Hér þarf að lækka víkjandi lánið um 100 til þess að forgangslán greiðist að
fullu. Það þýðir að hér fær
forgangs lánveitandi 200
víkjandi lánveitandi 100
annað lán 100
400
Af þessu leiðir að svo fremi sem eignir skuldara eru nægilegar til að greiða
bæði forgangslán og annað lán þá nýtur annað lán góðs af víkjandi láni þótt ekki
hafi verið til þess ætlast og það ekki gert að forgangsláni með samningi.
Dæmi 2. Víkjandi lán með þeim skilmálum að víkjandi lánveitandi taki við
greiðslu upp í sína kröfu en greiði til forgangslánveitanda þar til hann hefur
fengið fulla greiðslu.
Hér fá allir lánveitendur 80% upp í kröfur sínar, það er sama hlutfall og eignir
á móti skuldum.
forgangs lánveitandi 160
víkjandi lánveitandi 160
annað lán 80
400
Nú verður víkjandi lánveitandi að greiða forgangs lánveitanda 40 til þess að sá njóti forgangsins og fái fyrst greitt. Niðurstaðan verður þá þessi:
forgangslánveitandi 200
víkjandi lánveitandi 120
annað lán 80
O o
I þessu dæmi nýtur annar lánveitandi ekki góðs af víkjandi láni heldur aðeins
sá sem til stóð að nyti góðs af því.
Augljóst er af þessum dæmum að verulegu máli skiptir hvaða form er haft á
hinu víkjandi láni. Kanna þarf vendilega samsetningu skulda viðkomandi áður
en ákvörðun er tekin um form lánveitingarinnar. Og þó ennfremur hlutfall eigna
á móti skuldum.
262